SEKARIA 12:3 - Biblía Axweesantá Hhohho' ar Mungú 2004

³ Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

SEKARIA 12:3 Iomraidhean Croise

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

OBADIA 1:18

Múk doó Yakobo iri adór asla tleehhiit, nee múk doó Yosefu iri adór tsángw asla tleehhiit, múk doó Esau iri hhaanslaá kaaharen tleehhiit, inooín asla giri hhaamís, slám hee tumu wák iri meetiiká baraá doó Esauwo. Adoorí an adór AAKOÓ MUNGÚ i kaahi.

MIKA 5:15

Slám ar buhhtaá ure aníng li/aay u buú' gawaá daanduú xoordaá hatlá' kudá' aníng i iialooeemisa'aaká.»

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

HABAKUKI 2:17

Asma tlakweemaadá' taa tlehhahhít dír múk Lebanoni kuúng u i ki/iyá', nee makaydá' taa tsu/aa/iín kuúng u de'eérár gaasiyá'. Tí sleémeero kuúng u sleér asma mukdá' taa tsú/ nee /aytaadá' taa tlehhahhít baraá yaamuuká' nee dír yaamuloouusér baraá gixsaduín wa hoot.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

HAGAI 2:22

aníng waawitá u kwaáhh nee kiteeriidaá waawuti'iima i /aankwaraáts. Aníng /uureemaá waawuti'iimár dimbadimbé ar xoordu i hhitiím. Aníng gaardu i /aankwaraáts nee kudá' naa gawaawósií tsa/ane', faraási nee kudaádá' ngi ii tsa/aa/amá' ki tsuu/ nee hhaeeín ar paangadu.› »

SEKARIA 12:11

Baalaadár kilae múk Yerusalemu iri ló'wa tsuunqumiis adór Hadad-rimoni ira baraá xatsaá Megidór wa tsuunqumiís.

SEKARIA 12:4

AAKOÓ MUNGÚ i kaahi, «Baalaadae aníng umuúqo faraásiro an dae tsaát, nee heedá' gaa i tsa/an un slarhhamúw, farsuú múk xoordaá hatlá' un taampúw, ala múk Yuda un harmagaáhh xuumaro.

SEKARIA 12:6

«Baalaadae aníng geeraharuusér múk Yuda an adór hutloó asltá koóm oo baraá tla/ángw migír tleéhh, nee adór gufuú asla oo baraá tla/ángw qafo, inooín muu sleémeero oo gaa harweer ngun qwaareesiyá'. Qoomaadae múk Yerusalemu tan hoot baraá gixsar'ín wa alé ar saxareema.

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

SEKARIA 14:13

Baalaadae AAKOÓ MUNGÚ mukdá' gu daér yaariír ar áy, umuúqo heewo kuqá' gu i haratláy.

SEKARIA 14:6

Baalaadae tsaaqwa i káhh, laqaá tam daqtamó.

Matayo 21:44

Umuúqo heewo oo gawaá tlaa/arí huú', aqo in qeqtaatín, nee slám umuúqo heewo oo tlaa/arí i i hu', aqo gun naasuúr.]»

Luka 20:18

Umuúqo heewo oo gawaá tlaa/arí huú', aqo in qeqtatín, nee slám tlaa/arí bar hee ngwa i hú', aqo gun naasuúr.»

Geehhoeemaá 16:14

Qeeruuwí a qeeruú neetlaame, kudá' layár tlehhiít. Inooín tan tlatláy amór waawitá sleémeero oo baraá yaamu, as nguwa dinkwár i haragaasi as slaqwara. Slaqwararí i tleehharut a baalaadá' ur ar Munguú Aleesleemusmoó mura' sleémeero.