SEKARIA 11:9 - Biblía Axweesantá Hhohho' ar Mungú 2004

⁹ An qoomár niwa oó', «Aníng kuungá' nu malé de'emaaká, oo gwaá' i gwaai, oo hhaám i hhan, kudá' naa meetiye' ti kilooín saki/iye'.»

SEKARIA 11:9 Iomraidhean Croise

YEREMIA 19:9

Bál mukwí burkwa /amaatseék nee wakuuser'ín nee mukdá' gi baramaanuús nee kudá' gi tsu/utár wa slaá', mukwí tsaxwaá yaariir gi sláy, tam fu'unaá na/ii'ín awa daaqaay nee awa dasuwo kiri /aay, nee umuúqo heewo fu'unaá inslaawmoowós giri /aay.›

YEREMIA 23:33

AAKOÓ MUNGÚ aníng ina báy, «Hee tam gaalá laqaá aarusmo laqaá kaahamusmoó Mungú bir yaahamiis huwaadá' AAKOÓ MUNGÚ nuy tsa/amiís gawaarén i amoomá? Kuúng daqaní ki beer, ‹Kuungaá kilá' an huwa dír AAKOÓ MUNGUHE, nee inós nun amór saáw i kwaahh.›

YEREMIA 23:39

‹Aníng kuungá' nu amór saáw i kwaáhh dinkwa nee gixsadá' naa dír baabi'iihúng i haniís nee kuungae.

YEREMIA 43:11

Inós birna hardáh yaamaá Misri gin hhaamiis, kudá' qatlá' ar tiqtír pu/i aqo tan qaatl ar tiqtirí, nee kudá' ta loohatisi aqo kin loohatis, nee kudá' ta tsu/i ar paánga aqo kin tsuu/ ar paánga.

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

SEKARIA 13:8

Daqooroó tsár kuri amór saáw i kwaahh baraá yaamu sleémeero, inooín niri qatliyá', ala daqtá tám iri mét baraakí alé.

Matayo 15:14

Mawaagáy. Muksíng a taampu awa tampaá hatlá' geeraharahará'. Taampa bar taampár hatlá' ngi geeraharahát, tsaraawo ta al /e/etín baraá bohoongw.»

Matayo 21:19

/Aantsírka wák ar afaá loohírí dirii' gari artá áy. Ala naxés i mamaá koondaaká, aqo har loo/o kilós. /Aantsídá' gari báy, «Iimír laarí mamu mikiwa baloó sláy gawaawoge.» /Aantsídá' iri kát siiwadár kilae.

Matayo 21:43

«Gawaá adoorihe án kuungá' nu baw, ‹Waawuti'iimár Mungú ka hingees dirhunge, nee kari haniis dír xoorór tlehhema'aá waawuti'iimadá' wa hariim gi tlehhiit.› [

Yohana 12:35

Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 8:21

Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Geehhoeemaá 22:11

Heé /aytusmo i kumiiti baraá /aytaarose. Heé slasla/aruú tlehhaahhiít i kumiiti baraá slasla/aruwose. Heé hota ganaá' i kumiiti baraá gan'amuuwo, nee heé hhoohhoó' i kumiiti tiwa hhoohhoeemisi.»