SEKARIA 11:8 - Biblía Axweesantá Hhohho' ar Mungú 2004

⁸ Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

SEKARIA 11:8 Iomraidhean Croise

1 WAAWITÁ 11:25

Resoni a wakarusmoó múk Israeli qooma sleémeero ar waawuti'iimár Solomonuwo. Inós Solomon guri ló'wa daawitamiís adoodá' kura daawitimiís nee Hadadi. Naagáy Resoni múk Israeli guna ló'wa aáhh qoomaadá' inós tawa waawutmo yaamaá Aramu.

WARA'AMI 106:40

AAKOÓ MUNGÚ iri qa/iít buhhtaawo gawaá mukós, kuri ló'wa mune duúx nee mukduú aalirós.

WARA'AMI 5:5

Múk daara/uuse i geeraawók i sihhiitiiká. Kuúng kudá' sleémeero tlakweemaá tlehhiitá' in ahhít.

WARA'AMI 78:9

Múk Efraimu oo ga/aldaá koóm, oo maheerír tlaquút, bál slaqwaraaro tana alií kií/ tari goów.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

YEREMIA 12:8

Muk'eé' kudá' naa tsawaár ugwa sakií/. Adór dirángw baraá sla/a aníng iga i /orootliyé'. Gawaá adoorihe aníng iga aáhh.

YEREMIA 14:21

Atén miti aahhaar as daanduú kuúng kilók. Kitaangók kuduú xirif mu mureekeesaar, inslaweek alqadoodá' taa qás dirén i aleeró.

YEREMIA 6:30

Inooín ki bay, «Baa/ír peésa ar taa kwaáhh,» asma anuú AAKOÓ MUNGÚ inooín iga sií'.

ESEKIELI 14:5

Aníng múk Israeli u mune kwatiít as aníng iwa i ki/iya', asma inooín taa saweés dir'eene as slaqsi'iidá' mungui ngiwa sluufmisuú ayé'.

ESEKIELI 16:45

Ar tsuwaá ló', kiíng a dasír aayór hhawaatuwós gwaa si' nee na/iiwose, kiíng a adór hhaeewók kudaá hatlá' awa hhawaateín nee na/ii ngaa si'iye'. Aayoorók ar xoorór Hiti nee baabuuwók a heé xoorór Amori.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

TLAHHOÓ LAÁWI 26:11

Aníng dír hotaaeé' an tleéhh baraá tla/angwhúng nee kuungá' nu baloó geexawaaká.

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

TLAHHOÓ LAÁWI 26:44

ala baraá tisíng sleémeerowo qoomár inooín tawa baraá yaamaá wakuuser'ín i dirii'i, aníng i kwahhaaká, laqaá i aahhaaká, tam ngiri ló'wa hhaamiís, nee alqador'eé' ngiri kwaáhh. Asma aníng an AAKOÓ MUNGÚ, Munguúín.

Luka 12:50

Ala baatiísmo u sláw oo tir baatisi. Hamí aníng a baraá slahh'amuú yaariír i dirií' ay dír i boo/i.

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Yohana 15:18

«Kuungá' múk aa haratlintii'iiká burna aáhh, xuaak adór aníng tira qaroó aáhh, qoomár kuungá' nuwa aahhiiká.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

DABE 32:19

AAKOÓ MUNGÚ adoorí gana ár, giri aáhh, asma na/iiwós awa daaqaay nee awa dasuuwo nguwa buhhtisiyé'.

Ebrania 10:38

Ala hee'eé' kudá' gan'amkú koóm, inós gár ir slafi a haratlintaao. Ala barnaxes aa alií kií/, muunaáeé' i qwalaala/iiká as inós.»