SEKARIA 11:6 - Biblía Axweesantá Hhohho' ar Mungú 2004

⁶ Aníng yaamuloouusér yaamuuká' a baloó gurtlawaaká, umuú heewo un máw baraá dabaá heewós nee baraá dabaá de'eemusmoowós, nee baraá dabaá waawutmoowós, inooín yaamu ngiri qwaareesiyá' slám aníng heé ni tuu/ i kaahh baraá dabaaine. Anuú AAKOÓ MUNGÚ tí ngina oó'.»

SEKARIA 11:6 Iomraidhean Croise

WARA'AMI 50:22

«Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 3:5

Nee muu tiri kilooín baramaanuus, umuú heewo nee mulqumoowós, umuú heewo nee inslaawmoowós. Masoomo iri saga gawduú tleehh dír baabuúwose, nee heé daqaatlaákw dír geeraá heé ilaiwa/amér koóm.

YEREMIA 13:14

Inooín in kilooín haraa'awísh, ín baabá nee na/ii, i baloó gurtlawaaká, i baloó mawaaká sakwasleemaro, laqaá i baloó gurtlawaaká, aqo in hhaamiís.› »

WA/AA/I 2:21

Tuaá bariise nee awa masoombaro naa tlufaafuiyé' baraá loohiro, dasuueé' nee masoombar'eé' ar daaqaay kaa tsuú/ ar paánga, kuúng ina tsú/ baalaadár buhhtaawoge, ina tsú/ ar gurtleemu wasle.

WA/AA/I 5:8

Lawaale an múk ti sawaawuti'ii'iím, nee gawaá dabaaine heé ti ba/amís i kaahh.

ESEKIELI 8:18

As daanduú muruuwihe aníng inooín in i xaraásl. Hee tumu wák i kotsoqotiiká, laqaá guruueé' i baloó tlayká. Tam i /a/aminá' ar afór ur, aníng i baloó axaasaaká.»

ESEKIELI 9:10

Bartaeene i baloó mawaaká, laqaá i gurtlawaaká. Aníng an tleéhh adoodá' hariim as tlehhmi'ii'ín.»

HOSEA 1:6

Gomeri iri malé tsít, dasi gari xwayluúr. AAKOÓ MUNGÚ Hosea guri báy «Umuuwós ku beer, Lo-Ruhama. Asma múk Israeli u baloó gurtlawaaká, tam ado gaalá.

HOSEA 2:10

Aníng an /aankwetsiís dír ilaá mulqeerós wa ale, tam heé wák oo ga baraá dabaaeéná wa tuú/ i kaahh.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

MIKA 6:14

A /ayiindá', ala a axa'aaká, qwarkuhúng i tsauyká. Kuungá' mura' u koondá' ala tum loohatisa'a amohhe'eesaro u aleesleera'aaká. Tam ugwa aleesleeri'i xuumaro, aníng u qwaareés ar slaqwara.

HAGAI 2:22

aníng waawitá u kwaáhh nee kiteeriidaá waawuti'iima i /aankwaraáts. Aníng /uureemaá waawuti'iimár dimbadimbé ar xoordu i hhitiím. Aníng gaardu i /aankwaraáts nee kudá' naa gawaawósií tsa/ane', faraási nee kudaádá' ngi ii tsa/aa/amá' ki tsuu/ nee hhaeeín ar paangadu.› »

SEKARIA 11:14

Hhartaeé' tidár tsár ngiri tla/a geeqáw, tidá' ta bay wakleelu'uma as wakleelu'uumár Yuda nee Israeli ngiwa hhitiim.

SEKARIA 11:5

Mukdá' bee/angwdá' gwaa tlaaxw guna tsuú/ sleeme kwaa muxiiká, nee mukdá' gwaa weeriis i kaahi, ‹AAKOÓ MUNGÚ i xirfuuti, asma aga daqaari'iitaán.› Nee de'eemusmoodá' bee/aangós gwaa gurtlayká.

SEKARIA 11:9

An qoomár niwa oó', «Aníng kuungá' nu malé de'emaaká, oo gwaá' i gwaai, oo hhaám i hhan, kudá' naa meetiye' ti kilooín saki/iye'.»

SEKARIA 14:13

Baalaadae AAKOÓ MUNGÚ mukdá' gu daér yaariír ar áy, umuúqo heewo kuqá' gu i haratláy.

SEKARIA 8:10

Dír qoomaadá' ira xeeriiká heé gadiyeérose taa buú' i kaahh nee tam gadiyér makiito'o ar taa buú' i káhh, sleeme amohhooa i káhh dír heé daraaha, laqaá oo ti'imiita, asma wakuuse. Asma aníng umuú heewo una hara'awís nee mulqumoowós.

MALAKI 4:6

Nee inós xwayliité nee na/ii'ín gin dinkwaárií ki/is. Bar adooriheeká, án geera naa qaroó hardáh as kuungá' nuwa qwaarees, nee yaamuuhunge.»

Matayo 10:21

«Hhiya' hhiyaawós gu sakii/ as kuwa gaasi, nee baabá na/aywós gu sakii/, nee na/ii xwaylitér'ín ngi i haratlayá', ngiri tsu/iyá'.

Matayo 22:7

Waawutmoodá' iri ló'wa buúhh, daqtá askaári gari ya/aáw, mukdaádá' aa tsu/uut kuri tsuú/, nee gixsar'ín kari daá/.

Matayo 24:10

As adoorí múk yaariír haratlintaao gari máy, tiri kilooín sakikii/iyá' nee tiri kilooín ahhiitiyá'.

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.