SEKARIA 11:5 - Biblía Axweesantá Hhohho' ar Mungú 2004

⁵ Mukdá' bee/angwdá' gwaa tlaaxw guna tsuú/ sleeme kwaa muxiiká, nee mukdá' gwaa weeriis i kaahi, ‹AAKOÓ MUNGÚ i xirfuuti, asma aga daqaari'iitaán.› Nee de'eemusmoodá' bee/aangós gwaa gurtlayká.

SEKARIA 11:5 Iomraidhean Croise

2 WAAWITÁ 4:1

Naagáy harér heé wák baraá tla/ángw eeharuusér aaruuseero ina daqeér dír Elisha guri beér, «Sagadiyusmoowók hhawaatuueé' aa gwaá', nee kuúng a xú' sagadiyusmoowók i AAKOÓ MUNGÚ ilaiwa/a/aat. Ala heeko inós gu iinuús naa hardáh na/iieé' awa tsár ngiwa ar tlay, ngiwa lawaaleerós tleehhi.»

NEHEMIA 5:8

Ngiri báw, «Ar aleesleemuú ta koomana hhaeerén awa Yahudi in tlaxumaán kudá' taa weerimiís dír múk xoordaá hatlá'. Ala mis sla'á' kiwa malé weeramisa', bar atén in tlaxumaán?» Ala inooín tari qartlamiít, tam /aymuú taa oó' i kaahh.

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

ESEKIELI 34:10

Anuú Aakoó MUNGÚ a kah, Aníng nee kuungá' de'eemuuse ti araán. Aníng kuungá' nu hingeés bee/angw'eé' kuwa sawaawuti'iinda', slám a malé ya/amaaká bee/angw'eé' kuwa de'eenda'. Pa/ángw kuungá' tiwa kiloohúng /aymisa' u sleera'aaká. Bee/angw'eé' un tuú/ baraá aferhúng wa ale, mukuwa malé /aáy.»

ESEKIELI 34:21

Kuungá' bee/ángw slaqo tlákw un amoqár saáw i gusisiindá', nee un difá' ar xareemiihúng, nee sleémeero ugwa diya/é' amór saáw i ale.

ESEKIELI 34:6

Bee/angw'eé' iri diya/aát iri tawo hi'iimiít gawaá tlom'i wa alé nee gawaá tlom'aá tlet, iri tsiyayaáx baraá yaamu sleémeero, nee heé gwaa gaárí xuu' gway leelehhtuú áy i kaahh.›

HOSEA 12:8

Múk Israeli ta kaahi, «Ar ló' aga tsuwa ló'wa daqaari'iitaán, muruú yaariír ugwa slawaán, baraá gadiyeérén sleémeero, tlakweemaarén ki ariiká.»

HOSEA 12:9

Ala aníng a AAKOÓ MUNGÚ, Munguúhúng, iimír niwa tleeré' baraá yaamaá Misrír wa ale. Aníng kuungá' nu male ki/ís tawa hotaá eera' baraá heemadu, ar adoodá' ta tlehhaahhita deelór ur ar isleeriwo.

AMOS 2:6

AAKOÓ MUNGÚ i kaahi, «Aníng múk Israeli muxtaaro u mawaaká, as tlakweema ngiwa tlehhaahhitiyé'. Asma inooín múk gan'amuú koóm nguna weeramiisiyé' ar peésa, nee narkuutmoó iinár niina gaa harslaaqaat bu'utuwo kuna weeriís ar ya/atá tsár.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Yohana 10:1

Yesu iri oó', «Án a kah, heé aa dahiiká ar afkú do' baraá matla/ángw bee/aangw, ala ina dáh ar amór hatlá', heedaádá' a fisusmo nee a heé muruú muu gu /uurúr hayohiím

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

Geehhoeemaá 18:13

Nee slám qafoodá' tsuuá' awa xa'anoodá' ta bay dalasini, nee muruudá' mooyaangw tsuú' oo ta baraá di/tá i qamaamin, nee xwatsoodá' ta da/a/an awa mooyaangw tsuuá', nee di/itadá' mooyaangw tsuu', nee di/tá na/amo, tidá' mooyaangw tsuu'. Nee difaái nee di/tá seituúni, nee puuruú /awák nee angaáno, nee hikwa nee bee/aangw, nee faras nee gaardu, nee lawaale nee tam múk hatlá' sleeme.

Geehhoeemaá 3:17

Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.