SEKARIA 11:17 - Biblía Axweesantá Hhohho' ar Mungú 2004

¹⁷ A tsaxwaawók de'eemusmooeé' kudá' tlaákw, kudá' bee/aangós gwaa tawo may. Alók iltós ar doó /iyáy kan tuu/, nee dakós i solo'oti, iltós ar doó /iyáy i taamput.»

SEKARIA 11:17 Iomraidhean Croise

1 WAAWITÁ 13:4

Waawutmo Yeroboamu /aymi'ikaá heé Mungú ngiwa axaás daanduú kitangwduú ilahhooa oo Beteliro, dakós guri looloqoós amór heedaáduú Mungú, iri oó', «Heesíng oohare'.» Naxés dakós kudá' aa looloqoós hamtidár kilae iri adoodií káh, ki/isa gari sií'.

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ISAYA 44:10

Heewí a heemá oo slaqsoó Mungú gwaa tleehh, kwí munguaá murslaaqat ngu /iisiaaká.

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

YEREMIA 22:1

AAKOÓ MUNGÚ i kaahi, «Tláw dír doó waawutmoó Yuda ku beer,

YEREMIA 23:1

Tsaxwaaín de'eemuusedá' bee/ángw hhaamimiis, nee gu baraá qawtantaeé' wa diya/aam.

YEREMIA 23:32

Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

ESEKIELI 13:3

«Aníng Aakoó MUNGÚ a kah, ‹Tsaxwaahúng, kuungaásingaá aaruusér daktana, tidá' inslaway'ín nee iigu'utuuín eeharahar.

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

SEKARIA 11:15

AAKOÓ MUNGÚ aníng iri báy, «Ti malé de'eemusmo tlehh waiikae, a de'eemusmó daktani.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 23:16

«Kuungá' geeraharuúse, kuungaásingá' taampu, a tsaxwaahúng, kuungaásingá' kaahá', ‹Bar hee lo'o gaa huúw ar Doó Mungú, gaarós i káhh. Ala bar hee lo'o gaa huúw ar sahaábuduú Doó Mungú, lo'oodá' gu eér.›

Yohana 12:40

«Ilaaín gaa taampúy, nee muner'ín gaa gawdeés, as makawa ár ar ilaaín, nee makawa tsaáhh ar muner'ín, tari hhu'u'ún, án ngiri hungu/uús.»

Yohana 9:39

Yesu iri oó', «Aníng nina hardáh baraaká' yaamu as kwasleema, as múk xumiisaaká iwa qaytsiti, nee múk xumiís iwa taampuuti.»

Rumi 11:7

A adoomá daxta? Gadaádá' múk Israeli aa leelehhiít, gaa slayká. Ala mukdá' taa tsawaár gaa sláy. Awa hatlá' kiri mune gawdeés,

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

1 SAMUELI 2:31

Ga/aaweek, deelo ni xeér, ar aníng /uuruuwók nguwa hingees nee /uuruú doó baabuúwoge, tam dír do'oge hee i baloó dinka.