SEKARIA 11:16 - Biblía Axweesantá Hhohho' ar Mungú 2004

¹⁶ Asma ga/aaweek, aníng de'eemusmo ngu sláw baraá yaamuukae, oo bee/ángw aa hhiturumiit gu amohhe'eesaaká, slám kudá' aa qwaar gu leelehhitiiká, nee oo aa qeqtin gu tlaawinká, tam kudá' hhó' gu /aymisiiká, ala kudá' wahhaará' gin /aay, nee ta/aanta/amaaín gin feehhamiis.

SEKARIA 11:16 Iomraidhean Croise

IIMU/UUNGW 31:38

Aníng nee kuúng aga alhootaán baraá kureeriiká' mibeeri tsare, bee/aangók nee aaraawoge ar gura' gwaa kwahh i káhh, tam án gwaanduwók oo naa /aáy i kaahh baraá daqtoge.

IIMU/UUNGW 33:13

Yakobo iri oó', «Aakooeé', kuúng a xú' adór na/ii tar qaweero, malé alé bee/aangw nee hikwa awa ni koom i du'umisiyá'. A hariím ngiwa amohhe'eemiis. Asma mura' bura harakeesaán baraá looár wák i alé, i qaatl sleémeero.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

YEREMIA 23:2

Gawaá adoorihe, anuú AAKOÓ MUNGÚ, Munguú múk Israeli a kah, daanduú de'eemusedá' muk'eé' de'ema. «Kuungá' bee/angw'eé' ugwa tlatlahhasé' nee kuri gusisiindé', ala ugwa amohhe'eemisi'iiká. Ga/aawaak, aníng kuungá' nun muúx asma tlehhmi'iihúng kudá' tlakw.

YEREMIA 23:22

Inooín geeraawo bar kwasleemar'eé' ngaa aye', inooín geeraawo axweesante'eé' ngaa dahareemisiyé' dír muk'eé'. Geeraawo muk'eé' kunga ki/ís baraá loohidá' tlaakwe, nee geeraawo kunga duúx baraá tlehhmi'iidá' tlakwe.»

ESEKIELI 34:10

Anuú Aakoó MUNGÚ a kah, Aníng nee kuungá' de'eemuuse ti araán. Aníng kuungá' nu hingeés bee/angw'eé' kuwa sawaawuti'iinda', slám a malé ya/amaaká bee/angw'eé' kuwa de'eenda'. Pa/ángw kuungá' tiwa kiloohúng /aymisa' u sleera'aaká. Bee/angw'eé' un tuú/ baraá aferhúng wa ale, mukuwa malé /aáy.»

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 34:21

Kuungá' bee/ángw slaqo tlákw un amoqár saáw i gusisiindá', nee un difá' ar xareemiihúng, nee sleémeero ugwa diya/é' amór saáw i ale.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

Yohana 10:1

Yesu iri oó', «Án a kah, heé aa dahiiká ar afkú do' baraá matla/ángw bee/aangw, ala ina dáh ar amór hatlá', heedaádá' a fisusmo nee a heé muruú muu gu /uurúr hayohiím