SEKARIA 10:9 - Biblía Axweesantá Hhohho' ar Mungú 2004

⁹ Tam aníng inooín iga diyaa/i baraá tla/ángw xoordu, tam adoorihe inooín aníng in baraá ayeemaá sawén wa inslayá', inooín dinkwa nee na/ii'ine niri ki/iyá', tari baraá maray'ín wa hoot.

SEKARIA 10:9 Iomraidhean Croise

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

ESTA 8:17

Nee baraá ayko, nee umuúqo gixsaro, umuúqo dír hara'ayár waawutmo i hardati nee afoorose, múk Yahudi qwala/ gway sláy, nee tay baraá/ nee muruú /aymár úr kway /aáy. Tam múk hatlá' oo yaariír tiri ilaqaamiís nee múk Yahudi, asma múk Yahudi kuna da'ayuumiít.

ISAYA 44:21

Aá múk Yakobo muruuwí inslawaak, nee kuungaá múk Israeli a sagadiyuuser'eé'. Aníng kuungá' nuna tleéhh, kuungá' a sagadiyuuser'eé'. Aá múk Israeli án kuungá' nu gunqaresaaká.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

ISAYA 65:23

Inooín gadiyér tawo ngi tleehhiiaaká, laqaá na/aá qatlá' ngi laqwlina'aaká. Asma inooín an xwaylár taa tsuúq nee AAKOÓ MUNGÚ. Inooín nee xwaylar'ine kaa tsuúq.

ISAYA 65:9

Na/ii ki laqwaal doó Yakobowo nee dír doó Yudawo aaliitmoó tlom'ieé' ni ti'iit. Kudá' naa tsawaár i aalín nee sagadiyuuser'eé' i baraadií hotaá eér.

YEREMIA 31:27

Anuú AAKOÓ MUNGÚ a kah, ga/aaweek, deelo ni hardát ar aníng yaamaá Israeli nee awa Yuda ngiwa hatsiis muu nee makaywo ar adoodá' dahaasusmo ir dahaasaasin.

YEREMIA 51:50

«Kuungáká panoó aa kotsqomiit tsu/utaaro, hám ti'iité', ma tligatligaara'! Tam bar baraá yaamaá saawá' i diriiá' AAKOÓ MUNGÚ inslaslawaak, nee gixsár Yerusalemu ma gunqareesara'.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

HOSEA 2:23

Aníng yaamaá Yesre'eli in diihhooatís, heedaádá' taa gurtlayká aníng u gurtláw, mukduú aáng kwe'eeneeká ngway baw, ‹Muk'eé'.› Inooín tari ooi, ‹Kuúng an Munguúrén.› »

AMOS 9:9

«Qaytsiít, aníng hara'aya a oó' múk Israeli kuwa haritleesi baraá xoordu sleémeerowo ar adoodá' angaáno kur haritlemamiisi ar iimpe, as kudá' ganaa'a'aaká ngiwa ohiim.

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

Tlehhema'aá ya/Abuuse 8:4

Ala eeharuuseedá' aa diyaa/at iri tleér umuúqo amooro, Ya/abtór hho' kari alki/iít.

Rumi 11:24

Asma kuungá' múk xoordaá hatlá' tunduna gawaá xa'anoó sla/atá wa tsaát, tunduri haátl gawaá xa'anoó taa dahaás. Múk Yahudi a adór haleemiidá' kilá' awa xa'anoodá' taa dahaás. Ala a gár ak inslaahh haleemiidá' taa tsaát kiwa ki/isi gawaá xa'anoodá' i dahhiya', ta haleemiidá' xa'anoó sla/ato.