SEKARIA 10:7 - Biblía Axweesantá Hhohho' ar Mungú 2004

⁷ Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

SEKARIA 10:7 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

IIMU/UUNGW 43:34

Muruú /aymaadá' gawaá meésár Yosefu i dirií', Yosefu guri amor'ín i qasmiís, muruú /aymár Benyamini kuna tlahhás sagaáwa kooán wa ale ta oo múk hatlae. Tari wahán, tay dinkwár wa qwalaalaá/.

WARA'AMI 102:28

Na/aá mukók kudá' u sagadiyuús amohhooa ngin ar hootiyá'. Na/aá i laqwaaliya' nin saxareemár kumiitiyá' geraawoge.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

WARA'AMI 13:5

Ala aníng sla'aarirók ar warqawaaká aga harahhiíf, nee muunaáeé' ba/amaarók ga saqwalalaa/.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 33:21

Atén inós un sa qwalaala/aán, asma umuuwós kudá' hhoohhoó' ugwa harahhifaán.

WARA'AMI 90:16

Tlehhmi'iiwók laqaameek dír sagadiyuuseeroge, na/ii'ín xirfuuwók kudá' úr ngu ariye'.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 38:19

Múk slaáf kilós an kudá' kuúng u sluufiís adoorí aníng laarí ni /imiis xwayliité inkihhimuwók guri dír na/ii'íní alki/ít.

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

SEFANIA 3:14

Aá múk gixsár Siyoni, daaé' ar afór ur, kuungaá múk Israeli tsimaahhuusé', Kuungaá múk gixsár Yerusalemu, qwalaala/é' nee baraa/é' ar mune sleémeero.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

SEKARIA 9:15

AAKOÓ MUNGÚ Aleesleemusmo gi xún inooín wakuuser'ín ngiri arba/iyá', inooín tseerér wakuuser'ín kan adór difaáír wa ku'uus, tseerduuín kin tsiririxiis adór tseerér taa tsiririxiís ar slooqamo dír kitángw ilahhooa.

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

Luka 1:47

nee qeeruueé' in Munguú saqwalalaa/, Ba/amusmooeé',

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

Tlehhema'aá ya/Abuuse 13:33

Mungú al'axweesantós ngaa diréní boo/eés, ateéká' na/ii'ín. Adór ngira boo/eés a Yesu guna waasle/atís, adoodá' kara gooín baraá Wara'amtá tsare, ‹Kuúng a Garmaaeé', án kuúng laarí una laqwaál.›

Tlehhema'aá ya/Abuuse 2:26

Gawaá adoorihe muunaáeé' iri qwalalaá/, aníng niri baraá/, slám niri hoót ar harahhifo.

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.