SEKARIA 10:6 - Biblía Axweesantá Hhohho' ar Mungú 2004

⁶ Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

SEKARIA 10:6 Iomraidhean Croise

WARA'AMI 89:21

Dakw'eé' oo /uuruú koóm a dinkwa nee inós daqisleém, inós /uuru gu sláy dir'eé' wa ale.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 3:18

De'emaadae múk Yuda nee oo Israeli ti haragwaa', sleémeero niri yaamuudaá bihhaá /iíkwí tlayá', niri hardihiyá' baraá yaamuudá' aníng naa aalír wa haniís dír baabi'ii'ín.»

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 30:20

Na/ii'ín aqo adoodá' aáng tay dirii'i, dinku'uumar'ín geeraaeene ka gawdes. Aníng mukdá' sleémeero inooín gi baramaanuusá' in muúx.

YEREMIA 31:1

AAKOÓ MUNGÚ i kaahi, «Qooma i hardát ar aníng tawa Munguú tlahh'aá múk Israeli, nee inooín tari muk'eé'.»

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

YEREMIA 31:31

AAKOÓ MUNGÚ i kaahi, «Deelo ni hardát ar aníng alqadór /aben ngiwa oo' dír múk Israeli nee oo Yuda.

ESEKIELI 36:11

Muu nee makaywo in ló'wa tlahhás. Nee kuungá' tlóm'i, tundu male hoot adoodár aáng wa ale. Muruú hhó' ngu ló'wa tleéhh adoodá' aáng ba/a. Daqaní kuungá' a tsahhá' adór aníng tar AAKOÓ MUNGÚ.

ESEKIELI 36:37

«Anuú Aakoó MUNGÚ a kah, Múk Israeli aníng i firín as tawa tlahhi adór daqtá bee/ángw wa alé, aníng in adoorí tleéhh.

ESEKIELI 37:16

«Heewí, xwaytsír wák taatahheek, nee /aymi'iiká' gawaawós ti gooiin, ‹Dír múk Yuda nee oo Israeli kudaá mar'eefo.› Naagáy xwatsatsír hatlá' taatahheek nee /aymi'iiká' gooimeek gawaawós, ‹Dír Yosefu (xwaytsír Efraimu) nee múk Israeli kudá' guruú doó wák.›

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

HOSEA 1:11

Múk Yuda nee múk Israeli ta haragwaa' diinkwárí alé, geeraharusmooín oo wák kuri tsawaar, inooín nay diihhe'eesiyá' baraá yaamuudae. Asma deeloodár Yesre'eli ka ló'wa ur.

HOSEA 1:7

Ala múk Yuda u gurtláw. Aníng AAKOÓ MUNGÚ, Munguúín, in ba/amís. Slám i ba/amisaaká ar ga/ale, laqaá ar paánga, laqaá ar slaqwara, laqaá ar faras, laqaá ar múk faras ngwa i tsa/an.»

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

HOSEA 2:23

Aníng yaamaá Yesre'eli in diihhooatís, heedaádá' taa gurtlayká aníng u gurtláw, mukduú aáng kwe'eeneeká ngway baw, ‹Muk'eé'.› Inooín tari ooi, ‹Kuúng an Munguúrén.› »

OBADIA 1:18

Múk doó Yakobo iri adór asla tleehhiit, nee múk doó Yosefu iri adór tsángw asla tleehhiit, múk doó Esau iri hhaanslaá kaaharen tleehhiit, inooín asla giri hhaamís, slám hee tumu wák iri meetiiká baraá doó Esauwo. Adoorí an adór AAKOÓ MUNGÚ i kaahi.

MIKA 4:13

Mungú i kaahi, «Gimsé', kuungá' múk Siyoni, sihhiité', wakuuserhúng muxaak. Asma aníng kuungá' nu /uurií haniís tay adór awuú xareemiiwós adór muqsla, nee funqaáruuwós adór muqslír sirdaa/aat. Adoorí an adór kuungá' xoordaá yaariir kir bala'. Haasánguín kudá' naa baraá slaqwarár wa slayé' kuungá' ngu hubá' amor'eé' alé, nee daqaari'iimar'ín ngi hubá' amor'eé' as tawa te'eé', anuú Aakoó yaamu sleémeero.

MIKA 4:6

AAKOÓ MUNGÚ i kaahi, «Baalaadae aníng kudaádá' soopiím un haraki/ís. Aníng kudaádá' taa guús un ki/ís, nee kudaádá' aníng naa slahh'eemisi sleeme.

MIKA 5:3

Gawaá adoorihe Aakoó Mungú mukós gu ala máy alee/iisaro, ay dír qooma i xeer, qoomár /ameenír baraá slahh'amuú xwaylár i dirii', garma nguwa xwayluur. Daqaní hhaeewós kudá' naa meetiye' niri ki/iyá' amór muk'ín oo Israeli.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

MIKA 7:16

Múk xoordaá hatlá' adoorí kan ar, inooín tay muruumiit, tam ta /uureemaá kona. Mureero afe kay tuuntuuk ar dabaaín, tay mafaa' adór múk iawásl.

SEKARIA 1:16

Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

SEKARIA 8:11

Ala hám daxta aníng mukwí aa meet u adór mukduú geera laqaaká. Anuú AAKOÓ MUNGÚ tí ngina oó'.

SEKARIA 9:16

Nee AAKOÓ MUNGÚ Munguúín gi ba/amis bal deeloodae, asma inooín a daqtós, inooín niri qwiirii/iyá' baraá yaamuwo adór tlaa/aá taa slamángw ar parootuús.