SEKARIA 10:3 - Biblía Axweesantá Hhohho' ar Mungú 2004

³ AAKOÓ MUNGÚ i kaahi, «Aníng aga daa/atúw buhhtaawo gawaá daanduú de'eemuuse aníng geeraharuuse a slaáhh, asma AAKOÓ MUNGÚ Aleesleemusmo daqtós ga amohhe'ees. Inós doó Yuda guri adór farásír ilakahaar tleehh baraá slaqwaraaro.

SEKARIA 10:3 Iomraidhean Croise

YOBU 39:25

Qoomár afór tarumbeéta birnga axás, inós in amoodií áhh, slaqwara gan amór sáwií tsá', Afór geeraharuusér slaqwara gan axamís qoomár bir tseeaminá' as iwa hara'ayár oina'.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

AXWEESANOÓ SAGALOOA 21:31

Faras kun amohhe'ees as slaqwara, ala baali ar AAKOÓ MUNGÚ.

DAA'AANGW 1:9

Aá sla'aaruso'or'eé', kiíng a slaqás nee faraásír yaqaamba ar gaardaá Farao uuruxuum.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 24:21

Baalaadae AAKOÓ MUNGÚ slawodaá gawaá doori gi slaahh, waawituú baraá yaamu sleeme gun slaahh.

YEREMIA 10:21

Anuú Yeremia niri oó', «De'eemuuse a daktu'uumít. Inooín AAKOÓ MUNGÚ ngu firirina'aaká. Gawaá adoorihe slaasláwár i slaya' i káhh. Bee/angw'ín sleémeero aa qaroó diyaaya/aát.

YEREMIA 11:22

Gawaá adoorihe AAKOÓ MUNGÚ Aleesleemusmo i kaahi, «Ga/aaweek, aníng inooín i muúx, masoombar'ín ka hhaamiis ar paánga, daaqay'ín nee dasuuwo giyeé gi tsú/.

YEREMIA 25:12

Ala qoomár kureeriiká' mibeeri faanqw birna waarahhiyé', waawutmoó Babuloni un slaáhh dinkwa nee xooroorose. Yaamuukaá múk Kaldayo i hhaamiís asma tlakweemaaín kudá', nee yaamuuká' ngay taangu tleéhh ay alhhe'eesay wasle.

YEREMIA 25:34

Tsuunqumisé', kuungaásingaá de'eemusér muk'eé', nee /aa/é'! Baraá da/arár wa gwaangwaraa'amiité', kuungaá de'eemusér bee/aangw! Deelór kuungá' tunduwa tsu/i, nee tunduwa diyaa/i naa hardát. An pahhá' adór xooslár hhohho'.

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

ESEKIELI 34:11

«Gawaá adoorihe anuú Aakoó MUNGÚ a kah, Anuú kilá' bee/angw'eé' un leeleéhh nee nguri amohhe'eés.

ESEKIELI 34:12

Adoodá' de'eemusmo bee/aangós kudá' aa diyaya/aat ngur leelehhaahhiti, an adoodá' aníng bee/angw'eé' ngur leelehhiit. Un haraaki/ís umuú dír iqo diyaa/ati, bál huunkáy nee ma/amír a kiqiti.

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

DANIELI 11:32

Mukdaádá' alqadoodá' hhohho' gaa sii' gun afa /aasl. Ala mukdá' inkihhimú koóm dír Munguúine tan sihhtano hhe'ees, ado kay warqees.

SEFANIA 1:8

AAKOÓ MUNGÚ i kaahi, «Baalaadár ilahhooar'eé' ar muruú ta tsu/i aníng geeraharuuse nee na/aá waawitá in muúx, tam kudá' tlabaá xoordaá hatlá' ngi tsitaatitá' sleeme.

SEFANIA 2:7

Yaamusingaá bihhaá tlawi, múk Yuda kudá' aa meet giri sawaawuti'ín, bee/angw'ín ngun baraadá' wá de'ená', qoomár tsiindowo nay qaatiyá', baraá maraá Ashkeloni, asma AAKOÓ MUNGÚ, Munguúín gin gurtláy, giri malé diihhooárí ki/is.

SEKARIA 11:17

A tsaxwaawók de'eemusmooeé' kudá' tlaákw, kudá' bee/aangós gwaa tawo may. Alók iltós ar doó /iyáy kan tuu/, nee dakós i solo'oti, iltós ar doó /iyáy i taamput.»

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

RUTI 1:6

Naomi iwa baraá Moabu, gana axás adór AAKOÓ MUNGÚ mukós oo baraá Yuda ngura qeemuú bu'úngw hhó' i haniís. Tiri amohhe'és iwa tleer yaamaá Moabú wa alé dinkwa nee tlaawoó daaqaywós.