SEKARIA 10:2 - Biblía Axweesantá Hhohho' ar Mungú 2004

² Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

SEKARIA 10:2 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

1 WAAWITÁ 22:17

Mikaya iri oó', «Múk Israeli sleémeero ugwa ár aa diya/aát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, umuú heewo i watli amór do'ós ar wayda.› »

YOBU 13:4

Kuungá' lama an slikiindá' ar di/i, kuungá' sleémeero a qwaslaarér gaa wasl.

YOBU 21:34

Áx daxta adór aníng ir gurkwa/asa' ar tlooraá tawo, kuungá' gár ni mu/aywatsiinda' i káhh, a har lama.»

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

ISAYA 44:9

Muu sleémeero kudaá slaqsa'aá munguaá tlehhiít a gár tawo ló'wa ale, muruuwí ta saqwalaala/i gár ngiwa bui i káhh. Mukdaáduú munguiiká lamabu'uumá' inooín a taampu nee gár i xuiya' i káhh. Inooín ki mureekees.

ISAYA 46:5

Kuungá' aníng heé ir slaqmisa' a heemá tari slaqmís nee inós. Nee heé ir alqoomesa' a heemá tari slaqmís nee inós.

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 14:13

Naagáy, aníng niri oó', «Aá Aakoó MUNGÚ, ga/aaweek, aaruuse i múk babeer, kuungá' slaqwara nu sleeraaká, laqaá qwari, asma kuúng al'axweesani aga ó' tawa kat, ‹Wayda i kumamiit baraá yaamuukae.› »

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 23:32

Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

YEREMIA 27:10

Mukwí kuungá' nun aaru'uumár lámtí kah, nee gawaá adoorihe kuungá' tundu loohatis yaamaá saawá'. Aníng kuungá' nun amór saáw i guús tunduri hhaamiis.

YEREMIA 27:14

Axweesantá aaruusedá' kuúng u babaw, ‹Waawutmoó Babuloni mu sagadiyuusaar,› ma iiárií qaasaar, asma inooín u aarír lámtí kaahiyá'.

YEREMIA 27:9

Naagáy kángw aaruuserhúng mu axamiisara', laqaá kángw mukdá' tlaa/aá xuaaiím, laqaá iigu'utuuserhúng tí aariiriim, laqaá kudá' giaá duxuumá', laqaá qwaslaarerhúng tidá' kuungá' nu babaw, ‹Waawutmoó Babuloni mu ilaiwawa/aara'.›

YEREMIA 28:15

Aluuwo aarusmo Yeremia aarusmo Hanania guri báy, «Hananía iia qaaseek, AAKOÓ MUNGÚ kuúng ugwa ya/aawiiká, kuúng mukwí un harahhifór lámtí qamiín.

YEREMIA 29:8

Anuú AAKOÓ MUNGÚ Aleesleemusmo, Munguú Israeli a káh, ‹Al/aymár aaruusedár lamuuse ma iiárií qamiimara', nee qwaslaareedá' tu/u/uum tam tlataaín kudá' mi ya/aamara'.

YEREMIA 37:19

Aaruuseerók tidá' ugwa i aaraariin i amá, tidá' ugwa baabeer, ‹Waawutmoó Babuloni kuúng u iharaatlayká laqaá yaamuuká'?›

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 51:23

Kuúng un de'eemuuseérár tsuú/ nee bee/aango. Kuúng un doosluuseérár tsuú/ nee awer'ín tidá' tar doosli. Kuúng un ga/aawuuseérár tsuú/ nee geeraharuuseero.

YEREMIA 6:14

Muk'eé' i baraá qwanáy dirii', ala inooín qwanoó muu kun duquuqún tawa kaahi, ‹Wayda i deer wayda i deer.› laatí wayduú daadáw i kaahh.

YEREMIA 8:11

Inkaahha'aá muk'eé' ngina gáwtá wa taafiné' hungu/usaro, tawa kaahi, ‹Wayda i deer, wayda i deer.› Laatí wayda tumu niiná i kaahh.

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

ESEKIELI 21:21

Waawutmoó Babuloni i sihhimiit dír iimu/úngw lohuuká' tsár, dír waatsarár lohuuká', as tlaa/e ngiwa didá' wa xui. Tlangaasirós gari diingiis, slaqsi'iidaá munguiiwós kudá' giri kaangwí yaahaas, nee de'ér makiito'ór taa ilahhooár wa haniís gari xuuxuu'.

ESEKIELI 21:29

Qoomár kuungá' tawa xaslite' baraá iigu'utuuhúng kuduú al/ayma nee aaru'uumarhúng tidár lama, paánga kaa amohhe'eés isaá múk aa dee/anuumiit tlaquuwo. Baala naa xeér ar tlakweemahúng kiwa sakwasleemuuti.

ESEKIELI 34:5

Gawaá adoorihe, asma de'eemusmoó bee/aangwí iwa kahhi, inooín niri diyaa/atiyé', sleémeero tari /aymár makaá sla/a.

ESEKIELI 34:8

Adoodá' anuú Aakoó MUNGÚ nir hotaatima, aníng aga ló'wa slahhaá' bee/angw'eé' nguwa ga/áw tawa muruú /aymár makaá xaraaslá', asma heé gu de'eém i kaahh, asma de'eemuuser'eé' bee/aangw gwa leeleehhitká, ala inooín gur'er'ín kilós ngina harmagaahhiyé'.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

SEKARIA 11:17

A tsaxwaawók de'eemusmooeé' kudá' tlaákw, kudá' bee/aangós gwaa tawo may. Alók iltós ar doó /iyáy kan tuu/, nee dakós i solo'oti, iltós ar doó /iyáy i taamput.»

FAARO 27:17

Inós inooín gi geeraharahaar bar ta iwiiwiit nee bar ta hi'iimiit. Bar ta slaqwarár áy inós ta geeraharumooín, as kahhó' mukók miwa adór bee/ángw de'eemusmo wásl tleehhiít.»

Matayo 9:36

Yesu boo/oó muu nguwa ár, iri gurhaamuút, asma boo/aydá' iwa slaaqamiít nee iwa diyayaa/aát adór bee/ángw de'eemusmo wásl.

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

DABE 13:2

nee layduudá' aa káh laqaá muruú waa/oo/amo bira tleehharuút, nee bar inós kuungá' naa báy, ‹Munguaá hatlá' eeharaak nee ki sagadiyuusá',› munguaá kuungá' ta xua'aaká,

HAR'OHUUSE 18:14

Aluuwo mukdá' kooán yaamaá Laishi ngaa tsawtsawuusár aye', hhaeeín ngiri bayé', «Xayshé', kuungá' a xuá'a adór baraá do'koowo murslaaqatuú taa daákw kuri parootuús ar muqslír taa weeqatís i deer, nee slaqsa'aá hatlae nee naifeéra. Hám daxta kuungá' ma katá' adór ta laqaan.»