SEKARIA 10:10 - Biblía Axweesantá Hhohho' ar Mungú 2004

¹⁰ Slám ngi male ki/ís baraá yaamaá Misrír wa ale, ngiri burumbuúr iimír yaamaá Ashuru wa ale, ngiri huuw ay Gileadi nee Lebanoni, inooín yaamu sleémeero ngiri dalaa/iyá', tam dír hota iri qwát.

SEKARIA 10:10 Iomraidhean Croise

ISAYA 60:22

Kudá' dirhunge niiná in tlahhaay tleehhiit kudá' handá' ló'wa niiná dirhunge i xoorór ur tleehhiit. Anuú AAKOÓ MUNGÚ qooma bira xeér tí an boo/eés ar gaanslaay.»

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 50:19

Múk Israeli u ki/ís baraá qawtanti'ín, nee angamír'ín kari gawaá tloomár Karmeli nee Bashanír wa de'én, muruú /aymár bu'uút nguri slayá' gawaá tlom'aá Efraimu nee Gileadiro.»

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

HOSEA 11:11

Tindin hardah ta daaraax adór tsir/ór Misrír daahh, nee adór hhooka ar yaamaá Ashurúr daahh. Aníng ngiri watlís baraá maray'ín. Anuú AAKOÓ MUNGÚ tí ngina oó'.

OBADIA 1:20

Xoorór Israeli tidá' taa loohatís baraá yaamaá Hala, yaamaá Foinike kin aal ay yaamaá Sarefati. Nee múk Yerusalemu kudaádá' taa loohatís baraá yaamaá Sefaradi, gixsár Negebu kan aal.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

SEKARIA 8:7

Anuú AAKOÓ MUNGÚ Aleesleemusmo tí ngina oó'. Ga/aawaak, án muk'eé' u ba/amís iimír da/aáwaá tleemu ay /uwa.

SEKARIA 8:8

Aníng inooín ngiri huúw, tawa hotaá ay tla/ángw Yerusalemu, inooín tari muk'eé', aníng tari Munguúín, ngiri geerahaár ar inkihhimu nee hotaá ganaa'á'.»