SEKARIA 1:6 - Biblía Axweesantá Hhohho' ar Mungú 2004

⁶ Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›

SEKARIA 1:6 Iomraidhean Croise

2 WAAWITÁ 15:12

Naagáy adoorí ina tleehharút as al'axweesantadá' AAKOÓ MUNGÚ aa oó' dír Yehu iwa bo/, tidá' iwa káh, «Xwaylarók i waawuti'iín ay nángw tsiyáhh.»

YOBU 6:29

Na'asé', gimsé' daxta, tlakweema mindiwa kumitiyé', asma aníng a gan'amuú koóm.

ISAYA 21:17

Miguusér niina, tidá' maheeraá tlaquut ar múk Kedari, in mét. Anuú AAKOÓ MUNGÚ, Munguú Israeli, tí ana oó'.»

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 55:1

«Umuúqo heé aa waxiit qwalaas baraá ma'aay, tam heedaádá' peésár koomaaká qwaláng tlaxweek nee /ayeek, qwaláng difaái nee ilwa tlaxweek ala ar peésaarooká, nee ar tlaxoorooká.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

YEREMIA 23:20

AAKOÓ MUNGÚ buhhtaawo i baloó alií ki/iiká, ay dír tidá' aa slaá' tleehharo baraá muunaáwose ngay boo/eesi. Deelór ni hi'iita tí kuungá' a tsaahha hhe'eesá'.

YEREMIA 26:15

Kár ala, adoorí xu'uti hhe'eesaak, barnaxes aníng iga gasé', kuungá' kiloohúng taa lo'ór ar eeré', as tseerér heé dakuús wásl kawa ku'usé', nee gixsarí aga lo'ór ar eeré', nee múk baraakae. Asma ar tsuwa ló', aníng AAKOÓ MUNGÚ ina ya/aáw as kaangwí ta axasé' nguwa baraá iaahúngí oo'.»

YEREMIA 28:17

Kurkuduú kilae, qoomár slahhángw faanqwe, aarusmo Hanania iri gwaá'.

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 36:28

«Kitaábuú hatlá' taataahheek, axweesantadá' taa gooín baraá kitaábuuduú geera, kudá' Yehoyakimu waawutmoó Yuda a daá/ ar asla, gooimeek malé ale.

YEREMIA 39:16

«Tláw Ebedmeleki heé Kushi ku beer, AAKOÓ MUNGÚ Aleesleemusmo, Munguú Israeli i kaahi, ‹Ga/aaweek aníng muruudá' tlákw daanduú gixsarihe u boo/eés, muruú hhoeeká. Muruuwí sleémeero kuúng u aán ilaawoge qoomár bir tleehharuumiit.

YEREMIA 4:4

Kuungásingá' múk Yuda nee yaamuloouusér Yerusalemu, munerhúng hheehhe'eesaak. Bar adoorí aga tlehhi'iiká, buhhtaeé' i daa/atuyá' adór gil'ór asla, i oohiyá' ala heé gaasaro gi aleesláw i kaahh, asma tlakweemaá kuungá' taa tlehhé'.»

YEREMIA 44:2

AAKOÓ MUNGÚ Aleesleemusmo, Munguú Israeli i kaahi, «Kuungá' amotlakweedá' naa huúw dír gixsár Yerusalemu nee dír gixsadaá Yuda aga aandé'. Ga/aawaak gixsaduuká' tam ay laarí naa deewaiyé', nee heé baraadá' hoót i kaahh tumu wák.

YEREMIA 44:28

Mukdá' sleémeero aa kotsqomiit baraá slaqwaraaro iri yaamaá Misrír wa waátl ay yaamaá Yuda, inooín ki ló'wa niina. Qoomaarihe múk Yuda kudá' aa meet tari hotaá áy yaamaá Misri axweesantá ló' kari tsaahh áx a te'eéne laqaá tooín!»

YEREMIA 44:29

AAKOÓ MUNGÚ i kaahi, «Layár ta aanda' a tí, aníng kuungá' nun iimu/uúm muxtaaro diirír kilá' wa ale, as kahhó' kuungá' kawa tsahha' adór axweesante'eé' tar ló' daaduhunge as tlakweemaahúng.»

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

YEREMIA 5:14

Gawaá adoorihe AAKOÓ MUNGÚ, Munguú Aleesleemusmo, i kaahi, «Yeremía, asma muksíng iwa adoosír axweesi, ga/aaweek axweesante'eé' an adór asla tleéhh baraá afkoge, mukwí tari adór migír, inooín asla giri /ák.

WA/AA/I 1:18

«AAKOÓ MUNGÚ i baraá gan'amu, asma aníng axweesantós ana aáhh. Ala kuungaá muu sleémeero iia qaasaak, nee slahh'amuueé' ga/aawaak, dasuueé' nee daaqay'eene kira tláy baraá loohaay.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

WA/AA/I 3:42

Atén aga tlakweemisaán, aga dee/anutaán nee kuúng atén taa gurtleeriiká.

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 37:11

Aluuwo AAKOÓ MUNGÚ iri báy, «Heewí, faduusingá' a múk Israeli sleémeero. Inooín ta kaahi, ‹Faduurén naa kahiyé', harahhifoorén aa fák, atén aga hhaamaán.›

DANIELI 4:28

Muruuwí sleémeero aa oó' ina boó/ dír waawutmo Nebukadnesa i ale.

HOSEA 5:9

Aníng múk Israeli bura slaáhh iri deewaa' baraá tla/ángw tlahh'aá Israeliwo, kaangwí naa oó' oo ló'.

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

AMOS 9:10

Múk tlakweemaá koóm baraá muk'eene kun tsuu/ ar paánga, kudá' kaahá', ‹Atén gár tlaakw ar ti slaw i káhh tam ar niiná.› »

SEKARIA 1:7

Slahhángw mibaangw tawa mibeeri tsár nee tsiyáhh, slahhangwdá' ta bay Shebati, iimír Dario iwa waawuti'ín, anuú aarusmo Sekaria garmoó Berekia garmoó Ido, axweesantá AAKOÓ MUNGÚ ana axaás.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

FAARO 32:23

Ala barnaxés kuungá' adoosíng aga tlehhi'iiká, daqaní a AAKOÓ MUNGÚ un tlakweemáy tlehhitá', ala xuaak tlakweemaahúng kwisingá' kuungá' nu slayá'.

FAARO 33:56

Aníng adoodá' naa tsabiím daanduuine ngi kuungá' i tleéhh.»

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

DABE 28:15

«Ala barnaxes kuúng afór AAKO MUNGÚ, Munguúwók, aga iialooeská, laqaá barnaxes hara'ayaarós sleémeero nee dabeerose, tí laarí ni kah, aga harmagahhká ooharo, naagáy kuúng lo'oorí sleémeero un /ák:

DABE 28:2

Kuúng barnaxes afór AAKOÓ MUNGÚ, Munguúwók aga iiárií qás, daqaní tsuuqaaká' sleémeero u i hardihiyá', tari kók.

DABE 28:20

«AAKOÓ MUNGÚ kuúng' un lu'us, uri amotlakweérí huuw, nee amoqwaqwadiingw, nee diqiya' tsatmit baraá gadiyeeduuwók sleémeerowo ay dír tay hhaan nee tari gaanslár suqút, asma tlehhmi'iiwók kudá' tlakw taa tléhh, awa Mungú kuwa geexeér.

DABE 28:45

«Kaangwí kuúng un sláy, uri alkomkaakoóm ay dír tay hhaan, asma kuúng afór AAKOÓ MUNGÚ, Munguúwók kawa iialoeská, as hara'ayaarós tidá' naa haniís nee dabeerose kawa otká.

1 Tesalonike 5:4

Ala kuungá' hháe, kuungá' a baraá giwtirooká. Gawaá adoorihe a hariímaarooká deeloodá' kuungá' nuwa ar sleer adór fisusmór alé.