SEKARIA 1:4 - Biblía Axweesantá Hhohho' ar Mungú 2004

⁴ Kuungá' ma adór baabi'iihúng tleehhitaara', kudá' aaruuseedár aáng aa beér, lohduuhúng kudá' tlakw mawaak nee tlehhmi'iihúng kudá' tlakwe.› Ala naa axasi'iiká, tam anuú AAKOÓ MUNGÚ iga ilaiwa/i'iiká.

SEKARIA 1:4 Iomraidhean Croise

2 QOM'I 30:6

Muu kuri ya/aáw nee waawutmo nee geeraharuuse amór múk Israeli sleémeero, nee oo Yudawo. Barwaduudá' gár ki gooín a tí, «Kuungaá múk Israeli, peeroó taa meetiís nee waawituú Ashuru, AAKOÓ MUNGÚ i ki/aare', Munguú Abrahamu, nee oo Isaka nee oo Israeli, inós daqaní kuungá' nu i kii/.

2 QOM'I 30:7

Kuungá' ma adór baabi'iihúng nee hhaeehúng tleehhitaara', kudá' naa inkihhimu wasleesiye' dír geeraá AAKOÓ MUNGUHE, Munguú baabi'ii'ín, kudá' inooín gaa slaahh ar xaraasleema adoodá' kara aandé'.

2 QOM'I 34:21

«Tlawsé', AAKOÓ MUNGÚ yaahasaare' as aníng, nee as mukwí aa meet baraá Israeliro nee Yudawo, daanduú axweesanoó baraá kitaábuú dabe taa sláy, asma AAKOÓ MUNGÚ aa daa/atúy buhhtaawo as atén, asma baabi'iirén axweesantós ngaa ya/ani'iiká ar adoodá' ir qoon kara gooín baraá kitaábuuwí.»

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

NEHEMIA 9:16

Ala inooín nee baabi'iirén tay daara/uút, da/ewer'ín ngay gawdeesiyé', hara'ayarók eeharto ngari si'iyé'.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

NEHEMIA 9:30

Ina saqiqtlaatliín har afiqoomár kureeraá yaariire, kiri gurbu'uún ar qeeruuwók ar loohír aaruseerók, tam nee tihe naa axasi'iiká. Gawaá adoorihe kiri qás gawaá dabaá xoordaá yaamuudá'.

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

ISAYA 31:6

Aá múk Israeli, ki/é' amór kudá' taa ló'wa sié'.

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 23:22

Inooín geeraawo bar kwasleemar'eé' ngaa aye', inooín geeraawo axweesante'eé' ngaa dahareemisiyé' dír muk'eé'. Geeraawo muk'eé' kunga ki/ís baraá loohidá' tlaakwe, nee geeraawo kunga duúx baraá tlehhmi'iidá' tlakwe.»

YEREMIA 25:8

«Gawaá adoorihe, anuú AAKOÓ MUNGÚ Aleesleemusmo a kah, ‹Kuungá' axweesante'eé' kawaqo si'ii'i iiárií qaasaro,

YEREMIA 26:5

nee axweesanoó sagadiyuuser'eé' tidár aaruuse bura axasé', tidá' naa amorhúngí ya/ababiít umuú daqto, tam handá' iga iiárií qasi'iikahe,

YEREMIA 3:12

Tláw múk Israeli axweesantí baweek: Ki/aaré' kuungaá múk Israeli, kudá' inkihhimu wasl! Aníng kuungá' nu ga/aawaaká ar iltá tlaakw, asma aníng a gurtleemuú koóm. Eeít aníng kuungá' nu i buhhaaká ay alhhe'eesay wasle.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 4:1

AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

YEREMIA 44:16

«Axweesantisíng naa atén beér ar umuú AAKOÓ MUNGÚ atén a iiárií qaasanaaká.

ESEKIELI 14:6

«Gimáy, múk Israeli baweek, Aakoó MUNGÚ i kaahi, ‹Hhu'uu'umé' nee slaqsi'iidaá munguaá hatlá' mawaak sluufmisuwo. Muruú aníng i buhhtamís mawaak tlehhtuwo.›

ESEKIELI 20:18

Na/ii'ín ina naanaáq baraá xaanxáy wa alé, ina báw, ‹Slooír baabi'iihúng ma eeharaara', tam hara'ayar'ín ma oohara', laqaá miti slasla/areesara' ar slaqsi'iidaá munguaá hatlá'.›

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 33:4

Hee bar afoodár tarumbeéta gaa waaqaá', nee gurbu'utí gaa iiaárí qaasiiká, nee wakuuse niri hardát guri gás, inós slafiingós i gawaá dabaawós i dirii'.

DANIELI 9:6

Sagadiyuuseerók tidár aaruuse aga iiárií qaasaniiká, tidá' aa axwes ar umuuwók dír waawitaárén nee mukrén oo urén nee xwayliteérén, nee xooroorén sleémeerowo.

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

AMOS 5:24

Gimsé', daxta sakwasleemár ganaa' ni wa/ adór duxuú ma'áy wa alé, nee hotaá ganaa'á' masók a adór yaaér baloó /oomaaká.

MIKA 2:6

Muu aníng in babay, «/Aymi'iisíng awa sakwasleema mingi atén babawaar, kangwsíng ta kat mu alki/iitaar. Asma Mungú atén ti mureekeesiiká.

SEKARIA 1:3

Gimáy daxta ki beer, AAKOÓ MUNGÚ Aleesleemusmo i kaahi, ‹Amor'eé' ki/aare', aníng ni kií/ amorhúng.

SEKARIA 7:7

Xáy, /aymi'iiká' a kudá' AAKOÓ MUNGÚ naa oóiíke ar afér aaruusér aáng, qoomár Yerusalemu kawa hoót nee muu nee slaasláw kawa sláy. Qoomár gixsaduuwós ngiwa harweeriyé' nee yaamaá Negebu nee Shefela kiwa hoót nee muu.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.