SEKARIA 1:3 - Biblía Axweesantá Hhohho' ar Mungú 2004

³ Gimáy daxta ki beer, AAKOÓ MUNGÚ Aleesleemusmo i kaahi, ‹Amor'eé' ki/aare', aníng ni kií/ amorhúng.

SEKARIA 1:3 Iomraidhean Croise

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 15:4

Ala qoomár slahh'amuuine inooín niwa warqayé' amór AAKOÓ MUNGÚ, Munguú Israeli, nguri leeleehhiyé', inós ngway slayé'.

NEHEMIA 9:28

Alaá amohhooa ngiwa slayé', tlakweema ngiri male tleehhiyé', kuúng kiri meér gawaá dabaá wakuuser'ín ngiwa sawaawuti'ina'. Tam adoorihe kuúng uwa i /aa/iyé' kiri iiárií qás iimír gawaá doorí wa alé, daqtá yaariire ina ba/miimís ar har qoomoó gurtleemuuwók.

YOBU 22:23

Kuúng bara wayá' amór Munguú Aleesleemusmo, nee bir ta dirós i tsatsa'arés, tlakweema bira sawés dír do'oge,

ISAYA 31:6

Aá múk Israeli, ki/é' amór kudá' taa ló'wa sié'.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

YEREMIA 12:15

Alaá ngiwa hingemiís in malé gurtláw, umuú xoorooro an ki/ís dirós nee baraá yaamuuwós.

YEREMIA 25:5

Tunduna babáy, ‹Umuú heewo tlehhimi'iiwós kudá' slasla/aren nee kudá' tlakw ngi may, as daqaní kuungá' tawa hota' baraá yaamuudá' AAKOÓ MUNGÚ naa kuungií haniís, nee baabi'iihúng, iimír aáng wa alé, as kiwa ala' kureerisleém.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 3:22

Ki/aaré' kuungá' na/aá inkihhimu wasl, aníng inkihhimu waslerhúng a huungu/uús. Kuungá' a kata', «Ga/aaweek atén naa ki/aán amoorók asma kuúng an AAKOÓ MUNGÚ, Munguúrén.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 4:1

AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

ESEKIELI 18:19

«Ala hám kuungá' a yaahamisá', ‹Ahaá waáy, gár na/aywí kus sakwasleemuutiiká as tlakweemaá baabuúwós?› Na/aay barnaxes tidá' ganaa' nee hariim gaa tleéhh, inós bar i inkihhimuú kón daber'eé' ngiwa eehari sleémeero, inósuuwí aqo in hoot.

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

ESEKIELI 18:32

Aníng gwa'ara tam ar heé wák a saqwalala/aaká. Gawaá adoorihe hhu'uu'umé' as tawa hota'. Anuú Aakoó MUNGÚ tí ngina oó'.»

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

MALAKI 3:7

Iimír baabi'iihunge ana warqeeré' bihhií alé, hara'ayar'eé' kari geexeeré', tam sleeme aga oti'iiká. Amor'eé' ii ki/aare' aníng kuungá' nu ii kií/. Ala kuungá' a kata', ‹Adór tar ki/aan a adoomá?›