SEKARIA 1:17 - Biblía Axweesantá Hhohho' ar Mungú 2004

¹⁷ Malaykamoodá' iri báy, «Ya/abtorír hatlá' waahheek, AAKOÓ MUNGÚ Aleesleemusmo i kaahi, ‹Gixsaduueé' niri diihhe'eesiyá'. Anuú AAKOÓ MUNGÚ gixsár Siyoni ngiri gurkwa/ás.› »

SEKARIA 1:17 Iomraidhean Croise

2 QOM'I 6:6

Ala hamí daxta aníng gixsár Yerusalemu aga tsawaár dír muu aníng iwa sluufmiisi, nee kuúng Daudi muk'eé' un sawaawuti'iín.› »

NEHEMIA 11:20

Múk hatlá' oo Israeli, nee kaahamuusér Munguhe nee múk tlahhoó Laáwiwo, nina baraá gixsadaá hatlá' awa Yuda wa hootiyé', umuú heewo dír aalirós.

NEHEMIA 11:3

Baraá gixsadaá hatlae múk Israeli nee kaahamuusér Mungú, nee múk tlahhoó Laáwiwo, nee xuumuusér afér do', nee xwaylár sagadiyuusér Solomon nina baraá ayeemooín wa hootiyé'.

WARA'AMI 69:35

Asma Mungú gixsár Siyoni ga ba/amis, nee gixsadaá Yuda gi malé tleehh, nee sagadiyuuseerós iri baraadá' wa hót, yaamuudá' tari kooín.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 66:13

Adoodá' hee kur gurkwa/amisi nee aayorós an adór aníng kuungá' nur gurkwa/as kuungá' baraá gixsár Yerusalemuro tundu gurkwa/as.

YEREMIA 31:13

Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

YEREMIA 33:13

Baraá gixsadaá yaamaá tlom'i, nee gixsadaá Shefela, nee baraá gixsadaá xaanxoó Negebu, nee baraá yaamaá Benyaminiwo, nee baraá yaamaá iisaapoó Yerusalemuro, nee baraá gixsadaá Yudawo, muu bee/angw'ín gu malé fadiit. Anuú AAKOÓ MUNGÚ tí ngina oó'.»

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

ESEKIELI 36:33

«Anuú Aakoó MUNGÚ a kah, Baldá' aníng tlakweemaahúng kudá' sleémeero bira hheehhe'eés, gixsaduhúng ngiri ya/aám kiwa male hota', nee sluhhayhúng kuri male /abees tleehharo.

AMOS 9:14

Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.

OBADIA 1:20

Xoorór Israeli tidá' taa loohatís baraá yaamaá Hala, yaamaá Foinike kin aal ay yaamaá Sarefati. Nee múk Yerusalemu kudaádá' taa loohatís baraá yaamaá Sefaradi, gixsár Negebu kan aal.

SEKARIA 1:14

Naagáy malaykamoodá' aníng iri báy, «Gimáy waahheek kaangwí AAKOÓ MUNGÚ Aleesleemusmo i kaahi, ‹Án gura' ina ló'wa óh as Yerusalemu ngiwa slaá' nee Siyoniro.

SEKARIA 1:18

Baraá iigu'utuú hatlae gár xareemaá tsiyáhh koom ana ár.

SEKARIA 2:12

Nee AAKOÓ MUNGÚ xoorór Yuda gari aal, baraá yaamuudá' hhoohhoó' wa alé, inós Yerusalemu gay malé tsawaar.

SEKARIA 2:4

Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.

SEKARIA 3:2

Malaykamooduú AAKOÓ MUNGÚ, Neetlaangw guri báy, «Aá Neétlaangw, AAKOÓ MUNGÚ kudá' gixsár Yerusalemu gaa tsawaar kuúng u iigahhaati. Asma heewí a adór hhartá tinda baraá asltá wa hhaákw.»

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.