SEKARIA 1:16 - Biblía Axweesantá Hhohho' ar Mungú 2004

¹⁶ Gawaá adoorihe, anuú AAKOÓ MUNGÚ an kah, ‹Guruueé' aa tláy as Yerusalemu, dooeé' ku baraadií tleehh, nee tlehhmuú /abén oo gixsa i iimu/ún. Anuú AAKOÓ MUNGÚ Aleesleemusmo tí ngina oó'.› »

SEKARIA 1:16 Iomraidhean Croise

YOBU 38:5

Heé uraywós gwa qoomees án ngi slaá' u xú', laqaá heé hima gwa uuruux gawaawós ár ale as qoomesa?

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 34:11

Ala deelgaasi nee samta ngin aaliyá', hárkoonki nee xwaa'aro niri baraadá' wá hootiyá'. AAKOÓ MUNGÚ giri tlaahhírí kwaahh, hhutlmoó tlaahhi qamiingw guri gawaá muk'ín oo uréní qaas.

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

ESEKIELI 40:3

Naagáy iri amoodá' i huúw, aníng heé gwa/aát adór muqslidá' sirdaa/aat nguri ár. Heewí dabaawose i hhutlmoó kataánír kón oo tar qoomeemesi, dinkwa nee pa/almoó qoomeemes. Inós qoomaadae aa sihhiít tsufoó do'.

ESEKIELI 47:3

Heedaádá' pa/almoowós kuduú qoomeemesuwo bihhaá baraay giri da/aáw wa qoomeés miíta tsiire kooán, iri waarahhaás ar baraá ma'aay, ma'aydá' a har guruú tsa/aá ya'aaeé' kilós.

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

HAGAI 1:14

AAKOÓ MUNGÚ muunuú Serubabeli garmoó Shealtieli ga/aawusmoó Yuda guri dúk, nee muunuú Yoshua garmoó Yehosadaki, kaahamusmoó úr oo Mungú, nee munér mukdá' naa waatl baraá looháy wa ale. Tari tláy gadiyeé kawa tleehhamór ay baraá doó AAKOÓ MUNGÚ Munguúín oo Aleesleemusmo.

SEKARIA 10:6

Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

SEKARIA 2:4

Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.

SEKARIA 2:5

Aníng an adór koo/ír asla tleehhiít badu sleémeero, niri baraá gixsaadá' wa hoót ar xirfuueé'.› Anuú AAKOÓ MUNGÚ tí ngina oó'.»

SEKARIA 2:6

AAKOÓ MUNGÚ i kaahi, «Gimsé', guwaaré' amór yaamaá /iikú wa alé, amoodá' aníng kuungá' nuy tlatlahhaás badu sleémeero.

SEKARIA 4:9

«Dabaá Serubabeli iihhafiirír do'owí ngina qaasiyé', nee dabaawós do'owí ngun alhhe'eesiyá', kuungá' kari tsahhá' adór án AAKOÓ MUNGÚ Aleesleemusmo ira amorhúng i ya/aáw.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›