SEKARIA 1:15 - Biblía Axweesantá Hhohho' ar Mungú 2004

¹⁵ Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

SEKARIA 1:15 Iomraidhean Croise

YOBU 30:13

Loohir'eé' ngina gaasiyé', slahh'amuueé' nguna ak doogiyé'. Heé inooín gi har'uhiím sleeme i kaahh.

WARA'AMI 123:4

Atén aga ló'wa slaaqataán waaqaqauú múk daqaareero. Tina tawo tleéhh nee múk daara/aám kwaáo' atén an mukooká.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 69:26

Asma heedaadá' kuúng taa múx inooín ngun slahh'eemisiyá', kudá' kuúng taa inkahhi'ií qás, inooín ngun inkaahhamiisiyá'.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 50:33

AAKOÓ MUNGÚ Aleesleemusmo i kaahi, «Múk Israeli kwaa ló'wa baramaanuús, tam múk Yuda sleeme. Mukdaádá' inooín gaa loohatis gaa ló'wa slahh'eés nee geemawto kaa sií'.

YEREMIA 51:24

AAKOÓ MUNGÚ i kaahi, «Aníng Babuloni nee yaamuuloouuse sleémeero ar Kaldayo a muúx, ilaahunge a aandá', asma muruudá' tlákw sleémeero taa tleehhít baraá gixsár Siyoni.

ESEKIELI 26:2

«Heewí, múk Tiro, múk Yerusalemu ngwa sawaaqasené' tawa kaahi, ‹Ahaá ala, Yerusalemu gixsadá' muu sleémeero ira waaraáhh, kaa hhaáf, daxta atén pa/aangw ugwa slawaán, daqaari'iimarós kaa hhitín.›

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

HABAKUKI 3:12

Yaamu ina kal/aán ar xaraasleemaawók, xoordu kiri nakaa/aruúr as buhhtaawók.

SEKARIA 1:11

Farsuwí malaykamooduú AAKOÓ MUNGÚ, kudá' aa sihhiit baraá tla/ángw xaa'aá ta bay hadaási, nguri bayé', «Ga/aaweek atén yaamu sleémeero ngaa tsee/arimaán, ki ló'wa saxamaár.»

SEKARIA 1:2

«AAKOÓ MUNGÚ baabi'iihúng gaa i buúhh ló' wa alé.

SEKARIA 14:12

Nee xoordu sleémeero kudá' naa slaqwarár aye' amór gixsár Yerusalemu AAKOÓ MUNGÚ gin muux ar tiqtír tlakw, slaqooín niri tsutsatsuiyá' sihhtanoórí ale, nee ilaaín niri tsutsatsuiyá' baraá xoxi'ii'ín i ale nee tsifreeri'ín niri tsutsatsuiyá' baraá afer'ín i ale.

SEKARIA 6:8

Naxés aníng iri ateét, iri báy, «Ga/aaweek, farsuudá' aa yaamaá bihhaá /iikú xuu', buhhtaá Aakoó Mungú ngaa tsaeesiyé' amór yaamaá /iikó.»