SEFANIA 3:9 - Biblía Axweesantá Hhohho' ar Mungú 2004

⁹ «Asma qoomaadae tsifrír xoordu an warqeés, tari axweesantá hhooár axwees as sleémeero anuú AAKOÓ MUNGÚ iwa firiirina', nee iwa sagadiyuusiya' ar muunuú wák.

SEFANIA 3:9 Iomraidhean Croise

IIMU/UUNGW 11:1

De'emuudae yaamu sleémeero tsifrír tar axweesi a wak, nee axweesantaín a wak.

IIMU/UUNGW 4:26

Seti na/oó garma guri laqwaál, guri umií tsaát Enoshi. Qoomaarí an qoomár muu umuú AAKOÓ MUNGÚ nguwa iimu/ún ateetiingo baraá firor'ine.

WARA'AMI 113:3

Umuú AAKOÓ MUNGÚ xirfayeemisaak! Iimír amoodá' looa niwa tlatleer ay amoodá' i darat.

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

ISAYA 19:18

Baalaadae tsifrír Ebrania kanar axwees baraá gixsadaá kooán awa yaamaá Misriro, múk gixsaduudá' lo'o kari /aay dir AAKOÓ MUNGÚ Aleesleemusmoó wa alé, ar inooín kiwa inkihhím. Gixsár wák kari bay, «Gixsár Tsee/amá.»

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

ISAYA 6:7

Afkueé' guri kwatiít ar gil'idaádá', iri báy, «Ga/aaweek tí afkók gwaa kwatít, dakuúsarók kaa hingeés nee tlakweemaawók kaa gurtláy.»

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

ESEKIELI 37:17

Aluuwo xwatsoodá' taatahheek kay dinkwaárií naga'ás adór xwaytsír wák wa alé.

HABAKUKI 2:14

Asma xirfuú AAKOÓ MUNGÚ i xu'utiit baraá yaamu sleémeero, adoodár ma'aay tlawi ngira dalaa/iyé'.»

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»