SEFANIA 3:19 - Biblía Axweesantá Hhohho' ar Mungú 2004

¹⁹ «Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

SEFANIA 3:19 Iomraidhean Croise

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 60:14

Daaqoó mukdá' iga baramaanuus ni hardah iri i tumbarara'aat. Kudá' sleémeero iga waaqaqaiye' ta xupuu' dír ya'aawók. Inooín kiíng iri baya', ‹Gixsár AAKOÓ MUNGÚ, Siyoni ar kudá' hhoohhoó' oo Israeli.›

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

ISAYA 61:7

Kitángw mureero ilaiwa/ame a sagáwa tsár wa sleér kitángw waaqa'amaawo kuungá' yaamuuhúng in saqwalala/á'. Gawaá adoorihe baraá yaamuwo kuungá' yaamu i sagaáwa tsár wa sleerá'. Qwal/uuhúng i baloó fakiiká.

ISAYA 62:7

Inós mu pa/aángwí hanisara' oo nur gunqaareesi, ay dír Yerusalemu ngay gawdeesi, ay dír ngay xirfayeesi baraá yaamuwo.

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 30:19

Muk'eé' oo didá' hoót daa'ángw sluufaay ku daa', nee afór qwal/amaaye i baraadá' wa ti'ít. Inooín nin tlahhiyá', ta baloó /aaruyká. Aníng inooín in xirfayeés, ki baloó waaqaiiká.

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

YEREMIA 46:28

AAKOÓ MUNGÚ i kaahi, «Ma da'ayumitaar, sagadiyusmooeé' kuúng Yakobo. Aníng nee kuúng a dinkwa, aníng xoorduudá' sleémeero kudá' aníng kuúng uy loohatís in ló'wa hhaamiís, ala kuúng u hhaamiisaaká. Aníng kuúng un slahh'eemiís ar qoomoó ganaá' ala u ak mawaaká muxtaaro.»

ESEKIELI 16:27

«Naagáy dakw'eé' nguri tleés daanduuwók i alé as iwa sakwasleemuut. Afa nasli ngiri haniís iri máw dír wakuuserók tidár da/uuse, múk Filisti kudá' aa muruut tawo ale daanduú tlehhmi'iiwók awa ló'wa slasla/arene.

ESEKIELI 16:57

Xáy, adoorí aga tlehhkáhe qoomár tlakweemaawók kiwa geehhooatisiiká? Hám daxta, kiíng nee Sodoma aga qoondé'. Kiíng daxta a gár waaqa'atiit dír geeraá dasuú Edomu nee inslaawaywós sleémeero, nee dír Filisti nee inslaawaywós kudá' aáng kiíng iga aahhi.

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 39:13

Muu sleémeero baraá yaamuudae tu'uudá' gin foliit. Nee gaarí an gár xirfuú huwahuuw dir'ine, baldá' xirfuueé' bura geehhooatís. Anuú Aakoó MUNGÚ tí aga oó'.

ESEKIELI 39:26

Qoomár barta hoot ar wayda baraá yaamuuine, qoomár bar gár gi dae tlaaq i káhh, alsi'imuuín kudá' naa tleehhiyé' ngun gunqaresiyá'.

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

SEFANIA 3:15

AAKOÓ MUNGÚ sakwasleemarhúng gaa hingeés, wakuuserhúng gaa tsee/áy kwaáhh. AAKOÓ MUNGÚ waawutmoó Israeli, inós i baraá tla/angwhúng, gár tlaakw ar ta da'ayuta' in sangw káhh.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

Ebrania 12:13

Lohudaá ya'aahúng qwatsaak, as yaaeedá' aa sol'ot miwa qét, ala masók a kan hungu/uus.

Geehhoeemaá 20:9

Inooín tari waaraáhh ar baraá yaamu sleémeero, nee maraydaá múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.