SEFANIA 3:17 - Biblía Axweesantá Hhohho' ar Mungú 2004

¹⁷ Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

SEFANIA 3:17 Iomraidhean Croise

IIMU/UUNGW 1:31

Mungú umuúqo gaaro ar aa tleéhh, gari ár naxés ka hhoohhoo'. Tay tsiindo tay matlaatle, tari baalár lahhoó'.

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

IIMU/UUNGW 2:2

Ay bál baalár faanqw Mungú gadiyeérós sleémeero gaa hhe'eés, tidá' sleémeero ar aa tleéhh. Mungú iri hungu/uús bál baalár faanqwe, gadiyeeduwós kudá' sleémeero ngiwa hhe'eés.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 78:65

Aluuwo AAKOÓ MUNGÚ nay daarkiít adór heé aa guu', adór migusmoó tsimahhuús oo ma'aá sabiíbu ngaa wah.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 18:4

Asma AAKOÓ MUNGÚ aníng ina báy, «Aníng an didár hotaaeé' xasliít, a xumiís, adór tsee/amángw aa xaslmiit qoomár siiree/iro, adór huunkoó tluúw qoomár siree/ír fiiqituwo.

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

ISAYA 63:12

Inós handá' ar /uuruuwose tlehhma'aá waa/oo/amo gina tleéhh ar dákw Mose. Kudá' tlawi gaa dír geeraaín wa tla/a tsaat as tiwa umuú alhhe'eesay wásl i slay.

ISAYA 65:19

Aníng Yerusalemu an saqwalalaá/, nee muk'eé' un sabaraá/. Baraadae afór tsuunqumis ka baloó axasiiká, nee /aa/aá slahh'amaaye i baloó ki/iaaká.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 32:41

Aníng in saqwalaá/ ngiwa hhooeemáy tlehhiit, nee aníng inooín in baraá yaamuukií qaás ar inkihhimu nee ar muunaáeé' sleémeero, nee ar qeeruueé' sleémeero.»

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

Yoeli 2:21

«Qámu, kuungá' ma da'ayumitaara', qwalaala/é' nee baraa/é', asma AAKOÓ MUNGÚ muruú urén gwaa tleéhh.

SEFANIA 3:15

AAKOÓ MUNGÚ sakwasleemarhúng gaa hingeés, wakuuserhúng gaa tsee/áy kwaáhh. AAKOÓ MUNGÚ waawutmoó Israeli, inós i baraá tla/angwhúng, gár tlaakw ar ta da'ayuta' in sangw káhh.

SEFANIA 3:5

Ala AAKOÓ MUNGÚ baraadae in hota ganaa' gár tlaakw ga baloó tleehhiiká, Umuú matlaatlér xawa sakwasleemarós tidá' ganaa' gan geehhooatimis. Umuú looár tlawa aa baloó munesi'iiká, ala tam adoorihe múk tlákw mure ga xuiiká.

FAARO 14:8

Barnaxes AAKOÓ MUNGÚ gaa slaá', atén ti baraadá' i dahaas, nee yaamuudá' diihhooár ilwa nee dane ngi haniis.

Luka 15:32

Ala tawa qwalaala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.› »

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 15:11

«Tí án ngina dirhúngí oó', as qwal/uueé' masók i baraahúng, nee qwal/uuhúng i boo/i.

DABE 23:15

«Barnaxes lawaalmo aakoowós ngwa ilagoów, niri hardáh amór do'ók, mu ki/isar dír aakoowós.

DABE 30:9

AAKOÓ MUNGÚ, Munguúhúng kuungá' nu diihhooár yaariír i haniis baraá umuú gár ta tlehhita'a, na/aá yaariir i laqwalá', nee hikwaá yaariir i sleerá', nee qamuuhúng balángw yaariír ngu hamaareesiyá'. Asma Mungú in malé qwalaa/ kuungá' nuwa dihhooárí haniisi, ar adoodá' ira qwalaá/ baabi'iihúng giri dihhooárí haniís,

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.