SEFANIA 3:15 - Biblía Axweesantá Hhohho' ar Mungú 2004

¹⁵ AAKOÓ MUNGÚ sakwasleemarhúng gaa hingeés, wakuuserhúng gaa tsee/áy kwaáhh. AAKOÓ MUNGÚ waawutmoó Israeli, inós i baraá tla/angwhúng, gár tlaakw ar ta da'ayuta' in sangw káhh.

SEFANIA 3:15 Iomraidhean Croise

IIMU/UUNGW 30:23

Raheli iri tsít, garma guri xwayluúr, iri ó', «Mungú alsi'imuueé' gwaa hiingeés.»

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

WARA'AMI 19:9

Ilaiwa/amér AAKOÓ MUNGÚ ka hhoohhoo', i kumít ay kureeraá kureér. Kaahír AAKOÓ MUNGÚ a looeema, sleémeero i ganá'.

WARA'AMI 85:3

Buhhtaawók sleémeero iga ilá/, mune sleémeero aga gú/.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 51:22

AAKOÓ MUNGÚ Munguúwók, kudá' mukós aleekal/aám, i kaahi, «Ga/aawaak, án slooqomoodá' nura oonitís ugwa hingeés. Kuungá' slooqomooduú buhhtaaeé' u wata'aaká.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

ISAYA 65:19

Aníng Yerusalemu an saqwalalaá/, nee muk'eé' un sabaraá/. Baraadae afór tsuunqumis ka baloó axasiiká, nee /aa/aá slahh'amaaye i baloó ki/iaaká.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

ESEKIELI 35:10

«Kiíng ana ó', ‹Xoorduuká' tsár awa múk Yuda nee Israeliwo a daqaari'iimar'eé' nee in aál!› Adoorí ana ó' tam handá' AAKOÓ MUNGÚ i baraadae.

ESEKIELI 36:15

Aníng xoordaá hatlá' i malé pa/aángwí hanisaaká oo kuungá' nuwa /oosliislina'. Nee sleeme xoororhúng i malé dakuuská.› Anuú Aakoó MUNGÚ tí aga oó'.»

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

AMOS 9:15

Aníng i qaás baraá yaamuuín i ale, ala hingeesaro ki aleeslayká baraá yaamuudá' naa dir'ín i haniisi. Anuú AAKOÓ MUNGÚ, Munguúwók, tí aga oó'.»

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

HABAKUKI 2:17

Asma tlakweemaadá' taa tlehhahhít dír múk Lebanoni kuúng u i ki/iyá', nee makaydá' taa tsu/aa/iín kuúng u de'eérár gaasiyá'. Tí sleémeero kuúng u sleér asma mukdá' taa tsú/ nee /aytaadá' taa tlehhahhít baraá yaamuuká' nee dír yaamuloouusér baraá gixsaduín wa hoot.

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

SEFANIA 3:5

Ala AAKOÓ MUNGÚ baraadae in hota ganaa' gár tlaakw ga baloó tleehhiiká, Umuú matlaatlér xawa sakwasleemarós tidá' ganaa' gan geehhooatimis. Umuú looár tlawa aa baloó munesi'iiká, ala tam adoorihe múk tlákw mure ga xuiiká.

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

SEKARIA 14:11

Muu iri baraá gixsár Yerusalemúr wa hoot, asma lo'ór daadáw i káhh, muu iri hoot ar saxareema.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 12:15

«Múk gixsár Siyoni, ma da'ayumiitaara', Qaytsité', waawutmoohúng naa hardáh, aa tsa/án gawaá daanduú gwarendmoó daqwaay.»

Yohana 19:19

Pilato slambaree/i gari gooín gari qaás gawaá msalaába. Gár taa gawaadí gooín a tí, «Yesú Nasareti, Waawutmoó múk Yahudi.»

Yohana 5:30

«Aníng gár ni kilooeé' tleehh i káhh. Aníng an sakwasleemuút ar adoodá' Baabá naa oó'. Nee sakwasleemar'eé' i ganá', asma aníng sla'aarir'eé' a leelehhiitaaká, ala ar Baabá, kudá' aníng iga ya/aaw.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»

Geehhoeemaá 7:15

Gawaá adoorihe inooín i geeraá kitángw aleesleemuú i dirii'iyá' oo Mungú. Nee inooín i Munguú sagadiyuusiyá' baraá do'ós wa aleeró tlaatla/aangw nee xweeraawo. Nee kudaádá' aa iwiit gawaá kitangwduú aleesleemu, heémarós ga hhaaf gawaaín wa aleeró.