SEFANIA 3:11 - Biblía Axweesantá Hhohho' ar Mungú 2004

¹¹ Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

SEFANIA 3:11 Iomraidhean Croise

WARA'AMI 131:1

AAKOÓ MUNGÚ, muunaáeé' i dara/anká, nee ilaaeé' sleeme i gáwtá ga/aya'aaká. Tam muruú dirén u leelehhiitaaká. Tam muruú /uuruueé' gu arba/abaá/ u leelehhiitaaká.

WARA'AMI 49:5

Aníng gár nis daimiit a milá tsaxwawo, qoomár birta harweér nee tlakweema.

WARA'AMI 59:12

Inooín masók ki ohín baraá daara/angw'ine. Asma afer'ine muruú tlákw ngun axweemamisiyá', slamí i lu'umisiyá' nee i lameemaá tlaaqiyá'.

ISAYA 11:9

Baraá tloomár AAKOÓ MUNGÚ tidá' hhoohhooe gár gi slahh'ees i káhh laqaá ar gi hhaamiis, asma yaamu nin hatsiyá' xu'utír AAKOÓ MUNGUHE, adoodár ma'aay tlawi ngira hatsisiyé'.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 5:15

Umuú heewo ku amoqwaarees, hhawaate ki mureekees, mukdá' ti gáwtí tleemiís ku baráy ki/is.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

ISAYA 56:7

Mukwí aníng un huúw gawaá tloomar'eé' tidá' hhoohhoo', aníng inooín ngiri baraá dooeé' kuduú firór wa qwal/atamís. Ilahhooar'ín ar da/a nee ar muruú ta tsu/i kin ya/án dír kitangw'eé' oo ilahhooaro. Asma dooeé' kun babay a doó firo as muu sleémeero.»

ISAYA 61:7

Kitángw mureero ilaiwa/ame a sagáwa tsár wa sleér kitángw waaqa'amaawo kuungá' yaamuuhúng in saqwalala/á'. Gawaá adoorihe baraá yaamuwo kuungá' yaamu i sagaáwa tsár wa sleerá'. Qwal/uuhúng i baloó fakiiká.

YEREMIA 13:9

«Anuú AAKOÓ MUNGÚ a kah, ‹Adoorí an adoodá' sagagawduú múk Yuda ngur hhitiim, nee daara/ángw úr oo múk Yerusalemu ngur hhaamiis.

YEREMIA 7:4

Axweesanaywí oo al/ayma mu harahhifaara', tawa kata', ‹Do'owí oo AAKOÓ MUNGÚ, Doó AAKOÓ MUNGÚ, Doó AAKOÓ MUNGÚ.›

ESEKIELI 20:40

Asma aníng gawaá tloomar'eé' tidá' hhoohhooe, tidá' tleraantleer ar yaamaá Israeli, aníng Aakoó MUNGÚ a kah, Kuungá' sleémeero awa múk Israeli in didá' wa sagadiyusá'. Amoodaádae aníng kuungá' nu ilaaóh, nee nuri daám iwa ilahhooár i huba', nee ilahhooár hhohho' tidá' taa tsawdé'.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

DANIELI 9:20

«Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

FAARO 16:3

Inooín tari burumburiít dír geeraá Mose nee Aroni ngiri bayé', «Kuungá' daxta ado a tlahhmisá', dinku'uumaarí ka hhoohhoo' nee umuú hee oo baraá dinku'uumarí ku hhoohhoó', nee AAKOÓ MUNGÚ a dinkwa nee atén sleémeero. Ahaá waáy bare kuungá' daxta tin múk urén tlehhitá' dír daanduú xoorór AAKOÓ MUNGUHE?»

Matayo 3:9

Slám ma baraá munerhúngií kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Rumi 2:17

Xáy kuúng a adoomá? Kuúng a daara/aán asma tawa heé Yahudi. Kuúng gár ta i tliintí' a hara'ayár Mose. Nee slám kuúng an daara/aán tawa kat, «Aníng a heé Mungú.»

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

1 Petro 2:6

Asma Gooi i kat, «Ga/aaweek, aníng tlaa/ár ur ar do' ir gawduy, tidá' taa tsawaár nee ar afhhamít, a qaás gawaá Siyoni. Umuúqo heewo oo inós gwa haratlintii' ku mureekeesiiká.»