SEFANIA 3:10 - Biblía Axweesantá Hhohho' ar Mungú 2004

¹⁰ Muk'eé' kudá' aa amór saáw í diya/aat gayuú yauudaá yaamaá Kushi, inooín aníng in firiiriná' nee ilahhooar'eé' ngin huwiyá'.

SEFANIA 3:10 Iomraidhean Croise

WARA'AMI 68:31

Ya/abuuse nin hardát Misrír wa ale, múk Kushi Mungú gu dabaaín i tlees ar gaanslaay.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 18:1

Tsaxwaaín yaamuudá' xuuraaír hhampe'eeri kawa axamiisi, kudá' ya'aá Kushiro gayuqá' i diriiá',

ISAYA 18:7

«Qoomaadae AAKOÓ MUNGÚ Aleesleemusmo kungun qeemií huuw nee múk tledaadét nee oo slaqo natsatsa'ayen, xoorór dae tlaaq ar tsewen nee ar sawen, xooroodá' /uuruú koom nee baalaaliim, tidá' yaamuuwós taa qasiís nee yau, sluufaay kungun huuw amór tloomár Siyoni didá' AAKOÓ MUNGÚ Aleesleemusmo kuwa sluufmaamisi.»

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Yohana 7:35

Múk Yahudi tiri kilooín yaahamiís, «Heewí amór i kay a amá, diirí atén kuwa araanaaká a diimá? Amór i kay a amór múk Yahudi kudá' aa diyaa/áti amór xoordaá hatlá', nee giri intsaahhatimísi?

Tlehhema'aá ya/Abuuse 24:17

«Aníng kureeraá yaariire a kaáhh Yerusalemuwo, aluuwo niri kií/, as xooror'eé' ngiwa alee/iisáy i huuw, nee as ilahhooar'eé' ngiwa haniisár aw.

Tlehhema'aá ya/Abuuse 8:27

Filipo iri tláy, hamtidár kilae heeko taa karmúy oo Kushír daáhh guri ár. Inós a heé wák oo daqaari'iimár amohhe'eemiís ar waawuto'o Kandake ar yaamaá Kushi. Inós ina Yerusalémúr káy, as Mungú nguwa sluufmisuú ay.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.