SEFANIA 3:1 - Biblía Axweesantá Hhohho' ar Mungú 2004

¹ Gixsár Yerusalemu, a tsaxwaawók. Asma a gixsár aa dee/aanut, mukós aa hhitirumiít tlakweemawo nee geeraharuuseerós muu gun /aytiín.

SEFANIA 3:1 Iomraidhean Croise

ISAYA 30:12

Gawaá adoorihe, Kudá' Hhoohhoó' oo Israeli i kaahi, «As kuungá' axweesante'eé' kawa sié', tari ak naagisé' sagaagawduuwo nee baramaaniro, muruuwí kuri harahhifé',

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 59:6

Neeworhúng tlabár tleehharo i hariindaaká, tlabaadá' ta tlehhita', muu gi tsiitiiká. Gadiyérhúng a gadiyér tlakw. Gadiyér dabaahúng a gadiyér xaraasl.

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

YEREMIA 5:23

Ala mukwí ku ló'wa mune gawdén nee aa dee/anuút. Aníng iga si'iyé' lohduuín ngiri eehariyé'.»

YEREMIA 6:6

AAKOÓ MUNGÚ Aleesleemusmo i kaahi, «Xaaiwós tsataak, koo/ír Yerusalemu ka hhapeérí ki/isá' bihhe sleémeero. Gixsarí i hariín kawa sakwasleemuti, asma gár aa hats baraawose a /ayta.

YEREMIA 6:7

Adoodá' hhalaangw ma'aá hhohho' ngir baraawósií meetamamisi, án adoodá' gixsár Yerusalemu tlakweema ngir amohhe'eemis baraawose. Xaraasleema nee hhitiru'uma ki baraawós wa axamiis. Tiqtirós nee mulkaywós umuú deeloro un ga/áw.

ESEKIELI 22:29

Umuú dii baraá yaamuwo a /ayta ina háts nee muruú iimi hayohiingw. Múk narkuute nee oo litlakwén ngun /aytiná', nee dahaaye sleeme kan baramaanuús, tam hhaslór niiná i káhh.

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

ESEKIELI 23:30

Kiíng ana fuqús nee xoordaá hatlá', tiri meetagás ar slaqsi'ii'ín kudaá munguaá hatlá'.

TLAHHOÓ LAÁWI 1:16

Tlaa/anoowósw sankaro gin hingees, nee giri bihhaá da/aáw awa kitángw ilahhooárí kwaahh, amoodá' da/ara kay qamaamin.

AMOS 3:9

Gimsé', afo ilahanisaak baraá maraydá' gawden awa Ashadodi nee amór maraydá' gawden awa yaamaá Misri, muu bawaak, «Burumburiité' gawaá tlom'aá' Samaria, daqaní ta qaytsitá', wayaqamuú yaariír araak nee /aytár yaariir ar baraadá' wa tleehharumiit.»

AMOS 4:1

Axweesantí iiárií qaasaak, kuungaá /ameenár Samaria, ar aa wahhdit adór hikwaá yaamaá Bashanír ale. Kuungaádá' narkuutér baramaanumaamisá' nee mukdá' haleleeamiít, kuungaádá' hhawaateín ngi babaawá', «Gimsé', difaái huware', a xufaán.»

MIKA 2:2

Qaymo birnga ilatleeruusiyé', aqo ngin hayohiyá', do' burungwa ilatleeruusiyé', aqo ngun hayohiyá'. Hee nguri baramaanuusiyá', nee múk do'ose, muu nguri aali hayoohiná' sleeme.

SEKARIA 7:10

Slám kwaalo'o ma baramaanusaara' laqaá panaay, laqaá hoomoó ayaahúng hoót, laqaá narkutmo, laqaá hee inslawoó tlákw munguwa áy baraá muunaáwose daanduú hhiyaawose.›

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»