SEFANIA 2:9 - Biblía Axweesantá Hhohho' ar Mungú 2004

⁹ Gawaá adoorihe adoodá' anuú AAKOÓ MUNGÚ aleesleemusmo hotaatima, Munguú Israeli yaamaá Moabu i adór Sodoma tleehhitiyá', yaamaá Amoni niri adór Gomora laqiyá' Yaamuuín te'és ngin alti'iit nee boh'ér diwto, kiri dewa'ameérií máy ay kureeraá kureér. Muk'eé' kudá' aa meet giri haasaáng wá hayoh, nee panayduú muk'eé' giri aal.»

SEFANIA 2:9 Iomraidhean Croise

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

ISAYA 25:10

AAKOÓ MUNGÚ in kumiit gixsár Siyoni ngiwa xun, ala múk Moabu gun kala/án yaamií ale, adór tsaaroó taa kala/án baraá bohóngw tsuunkáy.

ISAYA 49:18

Axáy bihhe i qaytaak nee ka aandá' gár tleehharumiit. Inooín sleémeero taa burumburiyé' i baraawók i watliyá'. Anuú AAKOÓ MUNGÚ a kah, adoodá' aníng nir hotaatima, mukók sleémeero un adór kwasluú wa dahás, mukók u saqwalaalá/ adór dasír duuxór aw kwasluwós ngir saqwal/aa/at.

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

YEREMIA 48:1

Axweesantí an tidá' AAKOÓ MUNGÚ Aleesleemusmo, Munguú Israeli aa oó' daanduú xoorór Moabuwo iwa kaahi, «Tsaxwaahúng múk Nebo, asma gixsa ka xaanxay tleehh. Gixsár Kiriataimu kari mureekees, kari hayoh, koo/irós tidá' gawit ka mureekees, kari yaamií daahh.

YEREMIA 49:1

Axweesantí an tidá' AAKOÓ MUNGÚ aa oó' daanduú múk Amoniwo. AAKOÓ MUNGÚ i kaahi, «Xáy, múk Israeli i daaqoó konkáhe? Xáy, múk Israeli i aaliitér konkáhe? Ahaá ala munguú ta bay Milkomu baré yaamaá Gadi gina aál, nee mukós gixsadá' kay tooín tleéhh?»

YEREMIA 49:18

Adoodá' gixsár Sodoma nee Gomora nee ayeemoodá inslaawaydá' kira hhitín, anuú AAKOÓ MUNGÚ tí ngina oó', hee tumu wák oo yaamuudá' wa hoót iri kaahh, laqaá tam oo baraadá' i deél i kaahh.

YEREMIA 49:33

Gixsár Hasori i hotaá intsaawe tleehhít, tari xaanxaay kureerisleém. Heé baraaká' hoót i kaahh, tam heé baraadá' i deél i kaahh.»

YEREMIA 50:40

Adoodá' aníng gixsadaá Sodoma nee Gomora nee gixsadaá inslaaway'ín ngira hhitiím a adoorír kilá' heé baraadá' i hotaá áw i kaahh. Nee garmoó hee oo baraadá' i deél i kaahh. Anuú AAKOÓ MUNGÚ tí ngina oó'.»

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

AMOS 2:1

AAKOÓ MUNGÚ i kaahi, «Aníng múk Moabu muxtaaro u mawaaká, as tlakweema ngiwa tlehhaahhitiyé'. Asma inooín fadaá waawutmoó Edomu ngina da/iyé' tay da/ara.

SEFANIA 2:14

Daqooroó hikwa nee muruú ninakwe in baraadií qaat, tam umuúqo makiito'ór sla/ato. Gwares nee umalaaro, niri gawaá sagér uheemaá maraydá' hootiyá', hárkonka iri huheeliín ar pa/eeraá maraydá'. Xwaa'aro in gawaá duuxutmadá' wa xwaheeliín. Asma xaaidaá sahhta kaa tu/ún, kari paapa/aás.

SEFANIA 2:7

Yaamusingaá bihhaá tlawi, múk Yuda kudá' aa meet giri sawaawuti'ín, bee/angw'ín ngun baraadá' wá de'ená', qoomár tsiindowo nay qaatiyá', baraá maraá Ashkeloni, asma AAKOÓ MUNGÚ, Munguúín gin gurtláy, giri malé diihhooárí ki/is.

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

FAARO 14:21

Ala ar looeemaawo, adoodá' nir hotaatima nee adoodá' yaamu iri hatsiia xirfuueene,

Rumi 14:11

Asma Gooi i kat, «Aako i kaahi. Adoodá' aníng nir slaaf, umuúqo heewo i geeraaeé' tumbarara'aat, nee umuúqo tsifraango Mungú guri xirfayees.»

DABE 29:22

«Qartadá' aluúwaá hardah, ar xwaylarhúng nee ar hoomár amór saáwá hardah baraá ayaahúng, ngi ariyá' adór AAKOÓ MUNGÚ yaamuuká' ngira amotlakwérí huúw, nee slahh'amaayeero,

DABE 29:23

nee adór yaamuuká' asla ngira hhitiín, nee diwto, nee adór asla ngira qororo'ós, gár ki dahamiisi káhh, gár i laqwalina' i káhh, tam gitsór ti'imiit i káhh, a adór qoomaadá' AAKOÓ MUNGÚ yaamaá Sodoma nee Gomora nee Adma nee Seboimu ngira hhaamiís ar buhhtaawós kudá' xaraaslá'.