SEFANIA 2:8 - Biblía Axweesantá Hhohho' ar Mungú 2004

⁸ AAKOÓ MUNGÚ Aleesleemusmo i kaahi, «Aníng /oosliislíngw múk Moabu ugwa axaás, nee niqmisuú múk Amoni. Asma muk'eé' nguna /oosliisliné' tay xirfayemisiyé' gawaá digeemi'ine.

SEFANIA 2:8 Iomraidhean Croise

IIMU/UUNGW 19:37

Dasidá' ur garma guri xwayluúr, umuuwós guri beér Moabu. Kwí an baabuú múk Moabu tam ay laarí.

IIMU/UUNGW 19:38

Nee tidá' niina garma guri xwayluúr, umuuwós guri beér Ben-ami. Kwí an baabuú múk Amoni tam ay laarí.

ISAYA 15:1

Kaangwí a iigu'utuú daanduú Moabu. Asma gixsár Ari tidár baraá yaamaá Moabu kana xweeraá gaás, nee gixsár Kiri tidár baraá yaamaá Moabu kana xweeraá gaás.

ISAYA 16:6

Múk Yuda ta kaahi, «Atén kángw daara/ángw múk Moabu ugwa axaasaán adór ir hiintaluusiya' nee ir daara/ana', nee adór kir sagegawdén. Ala daara/angw'ín a tawo.»

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 48:1

Axweesantí an tidá' AAKOÓ MUNGÚ Aleesleemusmo, Munguú Israeli aa oó' daanduú xoorór Moabuwo iwa kaahi, «Tsaxwaahúng múk Nebo, asma gixsa ka xaanxay tleehh. Gixsár Kiriataimu kari mureekees, kari hayoh, koo/irós tidá' gawit ka mureekees, kari yaamií daahh.

YEREMIA 49:1

Axweesantí an tidá' AAKOÓ MUNGÚ aa oó' daanduú múk Amoniwo. AAKOÓ MUNGÚ i kaahi, «Xáy, múk Israeli i daaqoó konkáhe? Xáy, múk Israeli i aaliitér konkáhe? Ahaá ala munguú ta bay Milkomu baré yaamaá Gadi gina aál, nee mukós gixsadá' kay tooín tleéhh?»

WA/AA/I 3:61

Aá AAKOÓ MUNGÚ, kuúng /oosliislingw'ín ugwa axás, nee muruuín kudá' tlákw i qoomeemeesiya' daanduueene.

ESEKIELI 21:28

«Heewí, aariím daanduú múk Amoniwo, nee daanduú axweesantaín tidár waaniqaay dír múk Israeliwo. Inooín ki beer, ‹Paánga! Paánga kaa amohhe'eés muu tsu/taaro, kaa duúq as ngiwa hhaamis, kaa qwiiri/iís i war'eeliín adór mankari.

ESEKIELI 25:1

Axweesantá AAKOÓ MUNGÚ ana axaás, i kat,

ESEKIELI 35:12

Kiíng daqaní kari xú' adór anuú kiluú AAKOÓ MUNGÚ, /oslisliingók kudá' taa aaiín daanduú tloomár Israeliwo ngura axaás, kudá' tawa kat, ‹Tlom'aá múk Israeli kaa xaanxay tleéhh, kinga haniís dirén i ale as kiwa aalaan.›

ESEKIELI 36:2

Anuú Aakoó MUNGÚ a kah, ‹Wakuuserhúng naa niqís nee inooín ta kaahi, kuungá' aga aalir'ín tleehhité'.›

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

AMOS 2:1

AAKOÓ MUNGÚ i kaahi, «Aníng múk Moabu muxtaaro u mawaaká, as tlakweema ngiwa tlehhaahhitiyé'. Asma inooín fadaá waawutmoó Edomu ngina da/iyé' tay da/ara.

SEFANIA 2:10

Gaarí an bu'utuú daara/angw'ín Asma múk AAKOÓ MUNGÚ Aleesleemusmo nguna niqiné', tiri kilooín xirfayemisiyé'.

YOSHUA 5:9

AAKOÓ MUNGÚ Yoshua guri báy, «Daxta mureewaslayduú kuungá' tawa lawalér múk Misri laarí ugwa hingeés dirhunge.» Gawaá adoorihe didá' kari báy Gilgali tam ay laarí.