SEFANIA 2:7 - Biblía Axweesantá Hhohho' ar Mungú 2004

⁷ Yaamusingaá bihhaá tlawi, múk Yuda kudá' aa meet giri sawaawuti'ín, bee/angw'ín ngun baraadá' wá de'ená', qoomár tsiindowo nay qaatiyá', baraá maraá Ashkeloni, asma AAKOÓ MUNGÚ, Munguúín gin gurtláy, giri malé diihhooárí ki/is.

SEFANIA 2:7 Iomraidhean Croise

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

WARA'AMI 80:14

Aá Munguú Aleesleemusámo, un harhheehhe'eemisaán, ki/áng, qaytsiít gáwtá wa aleeró, sabiíbuuwí i hardaheek kuwa amohhe'es.

WARA'AMI 85:1

AAKOÓ MUNGÚ, yaamuuwók iga wangexwát, slám Yakobo ugwa hariímarós tida' hhoo' i ki/ís.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 11:14

Múk Yuda nee oo Efraimuwo nin haratlayá' amór múk Filisti kuduú bihhaá /uwa, inooín múk bihhaá da/aáw nguri hayoohiyá'. Inooín múk Edomu nee oo Moabuwo nguri baaliyá', múk Amoni niri dir'ín i iialooeesiyá'.

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 29:10

«Anuú AAKOÓ MUNGÚ an kah, ‹Alaá kureeraá mibeeraá faanqwe awa hotaahúng baraá yaamaá Babuloniro, aníng ni hardáh, qoomaarihe al'axweesante'eé' tidá' ngiri boo/eés ar nuwa ki/is baraá yaamuuká'.

YEREMIA 29:14

Aníng kuungá' i sleerá'. Aníng diihhooarhúng ngi ki/ís, nee nuri burumbuúr baraá xoordu sleémeerowo, nee umuú diiro amoodá' nay diyaá/. Nuri ki/ís amoodá' nay diyaa/i, amoodár yaamaá nuy loohatís. Anuú AAKOÓ MUNGÚ tí ngina oó'.›

YEREMIA 3:18

De'emaadae múk Yuda nee oo Israeli ti haragwaa', sleémeero niri yaamuudaá bihhaá /iíkwí tlayá', niri hardihiyá' baraá yaamuudá' aníng naa aalír wa haniís dír baabi'ii'ín.»

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

YEREMIA 32:44

Muu qamu gin tlaxún ar peésa, gooidá' qamu kir aali kan gooín nee kari dugenií qaas nee lamabu'uuseero. Adoorí kan tleehh baraá yaamaá Benyamini, nee iisaapoó Yerusalemu, nee baraá gixsadaá yaamaá Yuda, nee baraá gixsadaá yaamaá tlom'i, nee baraá gixsadaá Shefela, nee baraá gixsadaá xaanxoó Negebu. Asma aníng inooín i malé diihhooárí ki/ís. Anuú AAKOÓ MUNGÚ tí ngina oó'.»

YEREMIA 33:12

AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.

YEREMIA 33:7

Múk Yuda nee oo Israeliro u malé diihhooárí haniís. Aníng inooín in gawdeés, ngiri adoodár aáng i ki/ís.

YEREMIA 47:5

Múk Gasa se'engw'ín ku deeqw asma tawa tsuunqumisi. Gixsár Ashkeloni kaa qwaareés. Xáy kuungaásingá' aga mete' baraá xatstá ayaaín, ay xaylá ti kiloohúng siiqaaqita' as gurhaami?

ESEKIELI 39:25

«Gawaá adoorihe anuú Aakoó MUNGÚ ana oó', Hám daxta múk Israeli, xwaylár Yakobo in gurtláw ngiri dihhooar'ín i ki/ís. Aníng umuú daqisleeme gár ni slaa' a umuueé' kudá' hhoohhoó' kuwa ilaiwawa/i.

HOSEA 6:11

Kuungaá múk Yuda, qoomár bu'uungw aga qoomeés, qoomár bar muk'eé' kudá' taa tsegiít ngwaa ki/ís.

OBADIA 1:19

Nee múk Negebu tloomár Esau kari aal, múk Shefela yaamaá múk Filisti giri aal, inooín yaamaá Efraimu kiri aal, nee yaamaá Samariaro, nee yaamaá múk Benyamini múk Gileadi giri aal.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

MIKA 4:10

Kuungá' múk Yerusalemu, kumiité' baraá slahh'amaayeero nee /ifooro, adór /ameenír xwayla. Asma daxta kuungá' a ti'itá' baraá gixsaro, tari hotaá eerá' baraá tsee/aá /awaak. Aqo an yaamaá Babulónírí hardatá'. Ala amoodae kuungá' tundu tuu/ AAKOÓ MUNGÚ kuungá' nu ba/amis, nuri baraá dabaá wakuuserhúng wa gweer.

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

SEFANIA 2:9

Gawaá adoorihe adoodá' anuú AAKOÓ MUNGÚ aleesleemusmo hotaatima, Munguú Israeli yaamaá Moabu i adór Sodoma tleehhitiyá', yaamaá Amoni niri adór Gomora laqiyá' Yaamuuín te'és ngin alti'iit nee boh'ér diwto, kiri dewa'ameérií máy ay kureeraá kureér. Muk'eé' kudá' aa meet giri haasaáng wá hayoh, nee panayduú muk'eé' giri aal.»

SEFANIA 3:13

Mukduú Israeli aa meet gár tlaakw ngi baloó tleehhiaaká, tam lama ngi baloó ooiaaká. Nee heé al/aymusmo baraá tla/angw'ine u baloó sleeraaká, Slám heé gi dae tsaát i kaahh.»

SEFANIA 3:20

Qoomár aníng kuungá' burna baraá yaamuuhúngií ki/ís, bál burna dinkwaárií burumbuúr, Baalaadae aníng kuungá' nun iia tleereés nuri xirfayeés. Baraá tla/ángw xoordu sleémeerowo, awa baraá yaamuwo. Bál diihhooarhúng birnga ki/ís, kuungá kilá' ilahunge kari aandá'. Anuú AAKOÓ MUNGÚ tí ngina oó'.»

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

HAGAI 2:2

«Tláw daxta, axweesé' nee Serubabeli garmoó Shealtieli, ga/aawusmoó Yuda, nee Yoshua garmoó Yehosadaki, kaahamusmoó úr oo Mungú, nee mukdá' aa waatl baraá looháy wa ale, ki beer,

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Tlehhema'aá ya/Abuuse 8:26

Malaykamoó Aako iri axweés dír Filipo, iri oó', «Sihhiít tláw bihhaá basa, ay amór loohidá' naa Yerusalémúr wa tleer ay Gasa.» Loohidá' a loohír xaanxaay.

Tlehhema'aá ya/Abuuse 8:40

Ala Filipo kuri malé ár baraá gixsár Asótór wa ale, qoomár iwa waaraahhi Ya/abtór hho' gari alki/iít baraá gixsadu sleémeerowo, tam garwa hardáh ay Kaisarea.

Rumi 11:5

Adoorí an adór hám ta i diriiaan qoomaarihe. Tam hamí múk niiná i deer oo aa meet, kudá' Mungú aa tsawaár as gurtleemuuwós.

RUTI 1:6

Naomi iwa baraá Moabu, gana axás adór AAKOÓ MUNGÚ mukós oo baraá Yuda ngura qeemuú bu'úngw hhó' i haniís. Tiri amohhe'és iwa tleer yaamaá Moabú wa alé dinkwa nee tlaawoó daaqaywós.