SEFANIA 2:5 - Biblía Axweesantá Hhohho' ar Mungú 2004

⁵ Kuungá' xoorór Krete múk bihhaá tlawtá hoót, a tsaxwaahúng. AAKOÓ MUNGÚ daanduhunge i axweesantá kón. Kiíng Kana'ani, yaamaá múk Filisti, aníng nu hhaamiís, tam hee miwa meét oo baraawók wa hoót.

SEFANIA 2:5 Iomraidhean Croise

ISAYA 14:29

«Kuungá' sleémeero awa múk Filisti ma qwalaala/aara', kawa xua' qawaydá' naa muux aa tsatiít. Asma dayshamo, dayshamoó qarkwá koóm gu laqwaal. Nee dayshamoó qarkwá koóm dayshamoó ti gileéhh gu laqwaal.

ISAYA 14:30

Asma na/aá baris awa narkuute in aaxiyá', nee múk gaawásl ta hoot a saxareema. Ala aníng na/iihúng i tsuú/ ar qwari, nee panmoó aa meet dirhunge un gaás.

YEREMIA 47:7

Ala adór tsauuwa ngir aleesleer, qoomár AAKOÓ MUNGÚ bar ngaa gadiyeédií sláy. Daanduú gixsár Ashkeloni, nee yaamaá afaá tlawi, amoodá' ngay tleesi.»

ESEKIELI 25:16

gawaá adoorihe anuú Aakoó MUNGÚ dakw'eé' un tleés gawaá múk Filisti, aníng múk Kereti nee kuduú afaá tlawto un hhaamiís.

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

AMOS 5:1

Tsuunqumisuueé' daanduuhunge iiárií qaasaak, kuungaá múk Israeli.

SEFANIA 1:11

Aá yaamuloouusér Makteshi tsuunqumisé', asma halanuuse sleémeero aa hhaán, nee mukdá' peésár qoomeemeés kwaa hhaamiís.

SEFANIA 3:6

AAKOÓ MUNGÚ i kaahi, «Xoordu iga amór saáw i kwaáhh. Koo/ir'ín tidá' gawit tira baqiyé' aa hú'. Lohduuín kudá' uren iga hhitiím, tam heé gir ohiím i kaahh. Gixsaduuín nari tawó deewaaiyé', hee i kaahh baraadae, tam múk baraadá' hoót i kaahh sleeme.

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›

Marko 12:12

Adór Yesu kur oohi kay leelehhiít, asma slaqsaydá' ira axweés, kuna tsaahh adór heé aa káh tar inooín. Ala boo/aay kuna da'ayuút, ooharo kuri máy tari tláy.

YOSHUA 13:2

Ayeemaá naa meetiye' a kuká': Yaamu sleémeero awa xoorór Filisti nee awa xoorór Geshuriro,

YOSHUA 13:3

iimír yaaér Shihorír wa oohang ay bihhaá da/aáw awa Misri ay digmuú Ekroni bihhaá /iiko, gaarí an yaamuudá' sleémeero ta babay awa xoorór Kana'áni. Waawituú Filisti a kooán, ayeemooín a kuká': Gasa nee Ashdodi, nee Ashkeloni, nee Gati, nee Ekroni nee yaamaá múk Afi,

HAR'OHUUSE 3:3

Xoorduudá' taa máy an kuká': Ayeemaá kooán awa waawituú Filisti nee múk Kana'ani sleémeero, nee múk Sidoni, nee múk Hifi, kudá' baraá tlom'aá Lebanonír hootá', iimír tloomár Ba'al-hermonír wa tleemu ay Lebo-hamati.

1 SAMUELI 30:14

Atén a mukdá' aa slaqwarár ay yaamaá Negebúr Kereti, nee yaamuudá' Yuda dinkwa nee Negebúr Kalebu. Gixsár Siklagi kari da/aán ar asla.»