SEFANIA 2:3 - Biblía Axweesantá Hhohho' ar Mungú 2004

³ AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

SEFANIA 2:3 Iomraidhean Croise

2 SAMUELI 12:22

Daudi giri báy, «Ar ló', qoomár na/aay iwa slafi, ana gwaawiím nee una ale/aa/amiím. Adoorí ana tleéhh asma ana oó', ‹Heé ga xuú'? Doóqa AAKOÓ MUNGÚ i gurtláy as na/aay iwa hunguu/i.›

WARA'AMI 105:4

AAKOÓ MUNGÚ leeleehhaak nee /uuruuwose. Adór inós kuwa tseéw umuú daqto dirhunge na leelehhiitaak.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 22:26

Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

WARA'AMI 31:20

Kuúng inooín in lú/ dír folú muko, didá' kuúng tawa deér, nee in lú/ baraá heémarók í alé, as axweesanoó múk tlákw.

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

WARA'AMI 57:1

Án gurtlawáng, Mungú, aníng gurtlawáng! Asma aníng kuúng ugwa i goów, naa goów baraá mahhatuú hhampe'eeriwók, ay dír tlaftá tlaakw i waarahh.

WARA'AMI 76:9

qoomár Mungú iwa sihhiít as sakwasleema ngiwa tleehhi nee kudá' baraá yaamuwo taa baramaanuusi ngiwa ba/amisi.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

TI'INAANGW 12:27

Daqaní ki beera', ‹Gaarí a deelmooduú bee/i oo taa ilahhooár wa gaás as Pasaákuú AAKOÓ MUNGÚ, asma inós maraá múk Israeli gina waawaaraáhh baraá Misriro, qoomár múk Misri nguwa tsuú/ ala atén taa tsu/iiká.› » Múk Israeli sage gay xupu'uús, Mungú nguri sluufisiyé'.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

YEREMIA 39:18

Anuú AAKOÓ MUNGÚ a káh, ar ló' án kuúng u ba/amís nee kuúng tu gaasiiká baraá slaqwaraaro. Gawaá adoorihe kuúng slafiingók u tú/, asma kuúng aníng ina harahhíf.› »

YEREMIA 45:5

Xáy kuúng muruú urén u leelehhíta? Muruusíng mu leelehhitaar, asma ga/aaweek, aníng amotlakwe ngin huúw gawaá daanduú muu sleémeero, ala aníng slafiingók u ba/amís baraá slaqwaraaro umuú dír ta keera.»

ESEKIELI 13:5

Inooín wa/aameedá' aa fee/it baraá koo/iro nga xun'iiká, laqaá koo/ír /aben ngi tlehhitiaaká as múk Israeli nguwa /is qoomár slaqwaraaro, baalaadá' anuú AAKOÓ MUNGÚ naa qoomeesi.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

HOSEA 7:10

Daara/ángw múk Israeli ku geehhoó'. Ala tam adoorihe inooín taa ki/iiká amór AAKOÓ MUNGÚ, Munguúín. Tam sleeme ngwa leelehhi'iiká baraá muruuwí sleémeero.

YONA 3:9

Heé ga xuú' a heemá, doóqa Mungú i ya/án iwa warqay buhhtawós kudá' ngiwa may, as atén mitiwa qwaareés.»

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Matayo 5:5

Múk amohhoó' a kudá' tsaén, asma inooín yaamu ngi aaliyá'.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Tesalonike 4:10

Nee kuungá' adoorí aga tlehhité' dír hhae sleémeero, kudá' baraá yaamu sleémeero awa Makedonia. Ala hháe, kuungá' nun firiimaán tawa kángw kilá' wa ak kumita' baraá sla'aariro.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.