SEFANIA 2:13 - Biblía Axweesantá Hhohho' ar Mungú 2004

¹³ Inós dakós gun gáwtí tlees bihhaá /iya, múk Ashuru guri hhaamiis. Gixsár Ninewi gan deewa'atis tay dír kaahaar adór xaanxaay.

SEFANIA 2:13 Iomraidhean Croise

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 10:16

Gawaá adoorihe Aako, AAKOÓ MUNGÚ Aleesleemusmo, slaqwarusmoowo gu kaanga/úy, kitángw xirfuuwose kun daa/ adór kwaáo kuna daá' ar asla.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 14:26

Adoorí an tidá' Mungú aa slaá' tleehhamooro, baraá yaamu sleémeerowo, dakwí an kudá' Mungú ira gadiyuús baraá xoordu sleémeerowo.

ISAYA 37:37

Naagáy waawutmo Senakeribu oo Ashuru iri tláy, iri waátl, iri Ninewír wa hoót.

YEREMIA 49:33

Gixsár Hasori i hotaá intsaawe tleehhít, tari xaanxaay kureerisleém. Heé baraaká' hoót i kaahh, tam heé baraadá' i deél i kaahh.»

YONA 1:2

«Tláw, daqáw dír gixsár Ninewi, gixsadá' ur, tseé' amoorós i ale ar afór ur, asma tlakweemaawós naa hardihiyé' gawaá doorí alé, dír geeraaeé'.»

YONA 3:2

«Tláw amór yaamaá Ninewi, gixsadá' ur kaweek, ya/abtoodá' naa dirók i oó' ilaharmiseek.»

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

NAHUMU 1:1

Kitaábuuwí gár i kaahi a iigu'utuú daanduú gixsár Ninewi, kudá' Nahumu aa ár, heé yaamaá Elkoshi.

NAHUMU 3:15

Amoosinge asla in /ák, paánga iri supaapiín, in /ák adór ingigi ir /ayayin. Gím ti yaarese' adór ingigitá wa ale, ti yaarese' adór tsaxw'i wa ale.

NAHUMU 3:7

Nee kudá' kiíng i ará' in ilagogoowiyá', tari ooi, ‹Gixsár Ninewi aa hhiturút, heé ga sa tsuunqumiís a heemá? Heé ga gurkwa/ás dír ngway leelehhtuú aw.› »

SEFANIA 1:4

«Aníng dakw'eé' un tleés gawaá Yuda nee gawaá yaamuloouusér Yerusalemúr hoot sleémeero. Meetodár Ba'ali an hhaamiís as miwa geehhoouúr diirihe, nee munguúdá' ta bay Kemari dinkwa nee kaahamuuseerose.