SEFANIA 1:7 - Biblía Axweesantá Hhohho' ar Mungú 2004

⁷ Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.

SEFANIA 1:7 Iomraidhean Croise

YOBU 24:1

«Ahaá, gár Munguú Aleesleemusmo qooma ngisa qaasiiká ar sakwasleema ngiwa tleehhi? Nee mukdá' inós gu xuú' baalarós ti misingi xuiiaaká?

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

ISAYA 13:3

Aníng muk'eé' kudá' naa tsawaár ugwa ádbáw nee muk'eé' kuduú miguuse ugwa ateét, kudá' aníng i xirfayeesá' nee baraa/á', as kahhó' buhhtaaeé' ngiwa boo/eesiya'.

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

ISAYA 34:5

Asma paángar'eé' aga amohhe'eés gawaá doorí wá ale. Ga/aaweek, nin awét as múk Edomu nguwa tlaq, nee múk naa istí tsaát nguwa qwaarees.

ISAYA 34:6

AAKOÓ MUNGÚ i paángár kón, aa da/atuúr tseerero, wayo ngaa oohiyé' tseerdu a adór kuqaá deeloó bee/aangw nee oo aara, tlawaanqa a tidár guumbayayáuú gwaandaawe. Asma AAKOÓ MUNGÚ amór Bosraro i ilahhooár muruú ta tsu/i ga hanmiis, tsu/utár yaariir baraá yaamaá Edomuwo i deer.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

ESEKIELI 7:10

«Ga/aawaak, deeloodá' ni hi'ít, hhaamiisarhúng naa hardát, gurtleemu i umuú dii, nee daara/aangw a /ar/aantuús.

ESEKIELI 7:7

Kuungá' yaamuloouusér yaamuuká', hhaamisarhúng naa i hardát, qooma naa hardát, eeít, deelo naa tseewuúr. A deelór amoqwaqwadiingw nee a deelór bar/uuwooká gawaá tlom'iiwo.

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

Yoeli 2:31

Tsee/amá kun warqees tay giwti, nee slahhaangw in tseere tleehhiit, dír deeloorí ur ar AAKOÓ MUNGÚ ar dae tlaaq nira hardatká.

AMOS 6:10

Qoomár maamáy tuuadá' taa daá/ birngi tse/aá i duux, heé aa baraá qul/ír dóií nahhaat bir deer, barngwa báy, «Heé aa meet i deéro?» Heedaádá' in ooi, «Tumu wák i kaahh.» Ala iri ooi, «shi-shi-shi-shi xásl asma umuú AAKOÓ MUNGÚ u ooanaaká.»

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

SEFANIA 1:14

Baalár ur ar AAKOÓ MUNGÚ naa tseewuúr, naa naká/ slam i ló'wa gaanslár hi'ít. Tseeór baalár AAKOÓ MUNGÚ i ló'wa slahh'eemís, tam migusmo in /aa/ ar afór úr.

SEKARIA 14:1

Ga/aaweek, deelór AAKOÓ MUNGÚ naa tseewuúr ar muruuhúng kudá' taa hayóh kuwa qasmiisi dír ilaahúng wa alé.

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Matayo 22:4

Lawaalér hatlá' gari male ya/aáw, gana báy, mukdá' taa dahi'ís bawaagáy, ‹Ga/aawaak, muruú /aymar'eé' ugwa amohhe'eés, awe nee damaay kudaádá' wahhaará' iga hhe'eés tsu/utaaro, nee mura' sleémeero aa hhooáy. Qwalaasaré' amór doó duuxo.›

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

Rumi 9:20

Ala kuúng heé, kuúng a heemá, tiwa tlaampa'aamisa' nee Mungú? Gár taa tleéhh, tleehharusmoowós gunqo beéra, «Aníng misa adoorír tléhh?»

Filipi 4:5

Hhooeemaahúng masók i geehhoouyá' dír muu sleémeerowo. Aako naa nakaá/.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

1 SAMUELI 16:5

Samueli iri oó', «Eeít, gár tlaakw i káhh. Nina hardáh as AAKOÓ MUNGÚ nguwa ilahhooárií gaas. Gimsé' ti hhohhoeese', daqaní ilahhooár gár ta gaasaan a dinkwár wa haniisaán.» Samueli Yese guri hhohhoeés nee daaqaywose, giri dahi'ís baraá dinku'uumár ilahhooár muruú ta tsu/i.

1 SAMUELI 20:26

Baalaadae, Saulo gár aa oó' i káhh, ina baraawósí oó', «Doóqa gár gwaa ila/ i deer, dooqa laarí i harinká /aymarí ngiwa ay, ala looeemaawo kuqo tsuwa hhoohhoeeká.»