SEFANIA 1:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ i kaahi, «Baalaadae afór /aa/e ka axaas iimír afkuduú gixsár Yerusalemu oo ta bay Afkú doó Siyó, nee tsunqusmoó úr kuri axaas amór bartá hatlá' ar gixsa, nee kududuhoó úr kuri axaas gawaá tlom'ií wa alé.

SEFANIA 1:10 Iomraidhean Croise

2 SAMUELI 5:7

Tam adoorihe, waawutmo Daudi gixsár Siyoni gana hayóh tidá' taa harweér ar koo/ír gawit, tari gixsár Daudi.

2 SAMUELI 5:9

Daudi ina hoót baraá gixsarí taa harweér koo/ír gawít, gari umií tsaát, gari báy, «Gixsár Daudi.» Daudi gixsadá' gari harweér tleehhamooro, iimír Milór waá tleemu ay baraá guruú gixsaa.

2 WAAWITÁ 22:14

Gawaá adoorihe, kaahamusmoó Mungú Hilkia, nee Ahikamu nee Akbori nee Shafani nee Asaya sleémeero tana daqáy amór aaruso'o Hulda, harér Shalumu, garmoó Tikfa, garmoó Harhasi. Shalumu an kudá' tlabaá doó Mungú amohhee'emaamiís. Qoomaadae Hulka dír i hot a bartá tsár ar Yerusalemu. Inooín nee aaruso'o Hulda tari axweés.

2 QOM'I 3:1

Waawutmo Solomon Doó AAKOÓ MUNGÚ guri iimu/ún tlehhtuwo baraá Yerusalemu, gawaá tloomár Moria didá' AAKOÓ MUNGÚ tiwa dír Daudi geehhooeés. Diirí an afeenidár balaangw muxta ar Ornani heé Yebusi, tidá' Daudi aa tsawaár.

2 QOM'I 32:22

Naagáy AAKOÓ MUNGÚ waawutmo Hesekia guri ba/amís, nee yaamuloouusér Yerusalemu sleémeero, gawaá dabaá waawutmo Senakeribu oo Ashuru wa ale, nee gawaá dabaá wakuuser'ín sleémeerowo. Múk Yuda wayda gway ar hoót deelo sleémeerowo.

2 QOM'I 33:14

Alaá tihe Manase koo/ír hatlá' gari tleéhh daanduú tsee/aá gixsár Daudi wa ale, bihhaá /uwa awa Gihoni, baraá xatsa, nee gari alkón ay afkudá' ta bay Afkú Siyó, gari harweér ar Ofeli, koo/idá' gari ló'wa gáwtí tleés. Inós sleeme geeraharuusér slaqwaruuse gari qaás baraá umuú gixsadaá Yuda awa koo/ír gawít ngi koomá'.

2 QOM'I 34:22

Hilkia nee mukduú hatlá' waawutmo aa ya/aáw tari tláy dír aaruso'o Hulda, harér Shalumu garmoó Tokhati, garmoó Hasra, kudá' tlabaá amohhe'eemaamiís, (inós Yerusalemuro do'ós i baraá hháw tsár). Kangwdá' aa tleehharuumiit kuri dirós i oó'.

NEHEMIA 12:39

Tawa didá' wa tlawaán ana waarahhaán ar Afkuduú Efraimu nee Afkuduú Yeshana ay amór Afkuduú Siyó tay kumitaán ay /Ampadár Hananeli ay amór /Ampadár Tsiiru ay Afkuduú Doó Bee/aangw. Hi'itanoorén kay alhhe'eesaán dír Afkú Doó Tseegmo.

NEHEMIA 3:3

Hhay Hasena Afkuduú Siyó guna /abés tlehhmuuwo, inooín nahhtós kari sihhtís afeerós kari qaás, nee muqsladá' afkú do' kway tseegi nee muqslaadá' kur tsegiiti sleeme.

ISAYA 59:11

A /orotlaán adór makiito'oodá' ta bay duúbu an ininiaán umuú daqto adór hhooki. Atén sakwasleemár ganaa' an harahhifaán ala i káhh, Ba/ama ana haraxuaán ala direne ka ló'wa saaw.

YEREMIA 39:2

Bál slahhángw tsiyáhh tawa gwaleél oo kurkú mibaá nee wák iimír Sedekia, tawa waawutmo, koo/ír gixsár Yerusalemu kana fooxiís.

YEREMIA 4:31

Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

ESEKIELI 6:13

Qoomár tu'uuín birka hhaáf didá' mungui ngi firór aa'aya' gawaá tlom'iiwo, gawaá umuúqo gongoamoowo, nee dír gamuú xa'anoó loo/o naa/e oo ti'ita, didá' ilahhooár mooyángw tsuú' ngiwa hanmamisiya', daqaní inooín aníng iri tsaahhiyá' adór tar AAKOÓ MUNGÚ.

AMOS 8:3

Baalaadá' bira xeér, daa'ángw Doó Mungú a tsuunqumis. Anuú Aakoó MUNGÚ tí aga oó'. Tuaá yaariir nay tlufaafuiyá' umuú diiro, kiri qawti kwakwaahh.»

SEFANIA 1:15

Baalaadá' a baalár xarasleema Baalár slahh'amu nee waayaqamu, Baalár hhita nee hhaamisa, baalár giwti nee gurhaami, Baalár huunkáy nee ma/amír aa kiqit,

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.