SEFANIA 1:1 - Biblía Axweesantá Hhohho' ar Mungú 2004

¹ Kaangwí a axweesantá AAKOÓ MUNGÚ tidá' Sefania aa axaás, garmoó Kushi, garmoó Gedalia, garmoó Amaria, garmoó Hesekia, de'emaá Yosia garmoó Amoni tawa waawutmoó yaamaá Yuda.

SEFANIA 1:1 Iomraidhean Croise

2 WAAWITÁ 21:18

Manase iri gwaá', kuri foól baraá asalmoowós kuduú do'osú kilá', baraá asalmoó Usa. Garmaawós Amoni iri waawuti'ín kitaangós wa aleeró.

2 WAAWITÁ 21:26

Amoni kuri foól baraá asalmoó Usa, nee Yosia garmaawós ir waawuti'ín kitaangós wa aleeró.

2 QOM'I 33:20

Naagáy Manase iri gwaá', kuri foól baraá do'ós, garmaawós Amoni iri waawuti'ín kitaangós wa ale.

YEREMIA 1:2

Yeremia axweesantá AAKOÓ MUNGÚ ngiwa axaás, Yosia garmoó Amoni, waawutmoó Yuda qoomaadae kureeri ngaa /aáy a mibaá nee tám baraá waawuti'iimaro.

YEREMIA 22:11

Asma daanduú Shalumu garmoó Yosiawo, waawutmoó Yuda, kudá' aa waawuti'in alaá baabuúwós Yosiawo, Shalumudá' aa diirí wa tlay, AAKOÓ MUNGÚ i kaahi, «Inós baloó diirí ki/iiká,

YEREMIA 25:3

«Iimír kurkú mibaá nee tám oo waawuti'iimár Yosia garmoó Amoni, waawutmoó Yuda, ay laarí, kureeri a mibeeri tsár nee tám, baraá kureeriikae aníng axweesantá AAKOÓ MUNGÚ ana axmaamiís nee umuúqo looár tlawa ngin dirhúngí aaiím ala kuungá' a axmaamisa'aaká.

ESEKIELI 1:3

anuú kaahamusmo, Esekieli garmoó Busi, qoomár niwa baraá yaamaá Kaldayórí, dirii' bihhaá yaaér Kebari, axweesantá AAKOÓ MUNGÚ ana axaás, nee baraadaádae /uuruú AAKOÓ MUNGÚ i gawaaeé'.

HOSEA 1:1

Kaangwí an axweesantá AAKOÓ MUNGÚ ar Hosea aa axaás, garmoó Be'eri, de'emaá waawituú yaamaá Yuda tawa Usia, nee Yotam, nee Ahasi nee Hesekia, nee waawutmoó yaamaá Israeli tawa Yeroboamu garmoó Yoashi.

2 Timoteo 3:16

Gooi sleémeero i hiinsluú Mungú koón, nee i hariín muu nguwa looeemaá i intsaahhatimis, nee muu nguwa afa dukuun nee nguwa qwatsiin, nee slám muu nguwa geeraharahat as slafíngw ganaá' kuwa ar hooti.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.