RUTI 4:6 - Biblía Axweesantá Hhohho' ar Mungú 2004

⁶ Heedaádá' tseéw baraá guruú doó Elimeleki iri oó', «Bar adoosíng aníng a aleeslawaaká. Asma bar aga tlaáxw, aalír na/iieé' aga /aareés. Kuúng tlaxweek, aníng a sla'aaká ngiwa tlaaxw.»

RUTI 4:6 Iomraidhean Croise

IIMU/UUNGW 38:8

Yuda Onani guri báy, «Harér hhiyaawók aaleek, asma i kuúng wá hariín, as doó hhiyaawók kuwa tles.»

TLAHHOÓ LAÁWI 25:25

Barnaxes hhiyaawók oo narkutmo hhape gaa weeriís, hhiyaawós oo tseéw i harín ngiwa tu/i.

DABE 25:7

Barnaxes hhiyaaduú heedaádá' aa gwaa' kwaalo'oodá' aaliro ga slaiiká, naagáy /ameenidár kwaalo'o i tleer dír geeraá bariisér gixsa, nee i o', ‹Hhiyoó hhawaatuueé' aa sií' doó hhiyaawós kudaá gwaa' tleesaro baraá Israeliwo. Hariimadá' inós tawa hhiyoó hhawaatuueé' tleehhamooro gaa sií'.›

DABE 25:8

Daqaní bariisér gixsadá' hhiyaadá' ngu atet as tawa axweesi nee inós. Barnaxés i adoodár si'imií kaahh, /ameenidá' ngiwa duuxiiká,

DABE 25:9

/ameenidár kwaalo'o ngu dír geeraá bariisedá' wa ya/ati dux, ngu gitsee/a i tsuq nee ngu beer, ‹Adoorí an adór hariim kawa tleehhi dír heé doó hhiyaawós gwaa sii' tleesaro.›

RUTI 2:20

Naomi iri waa/ó/, harér garmaawós gari beér, «Heesíng ku tsuuqi nee AAKOÓ MUNGÚ kudá' hhooeema gi tlehhiít dír múk slaáf nee dír mukdá' aa qaatl.» Naomi iri kumít axweesanto iwa kat, «Heesíng oo tlahhayrén, slám ku guruú doorén i tseéw. Inós a heé wák oo hariím kiíng iwa aali.»

RUTI 3:13

Kiíng diisíng i qaateek xweeraakae ay matlaatle. Matlo a araán barnaxes inós aa ya/án kiíng iwa aali. Bira ya/án, daqaní ka hhoo'. Ala barnaxes aa ya/aniká, aníng a deer, aníng kiíng i aál. Tí ni kah a tsáp, tam AAKOÓ MUNGUÚDÁ' slaáf i axamiis. Kiíng guú' ay matlaatle.»

RUTI 3:9

Boasi iri oó', «Kiíng a heemá?» Inós iri ó', «Aníng a Ruti, sagadiyuso'oorók. Aníng uuntsuusáng ar inqwaarirók, asma kuúng an mar'afmooeé' kudá' tseéw, kudá' aníng i aál.»