RUTI 4:14 - Biblía Axweesantá Hhohho' ar Mungú 2004

¹⁴ /Ameenár baraá gixsár Betilehemu Naomi gari beér, «AAKOÓ MUNGÚ i xirfuuti! Asma kiíng iga kilók geexayká, iga aaliitmoó i sláy laarí. Umuú na/aywí i iiatleeruy baraá múk Israeliwo.

RUTI 4:14 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 24:27

Iri oó', «I xirfuuti AAKOÓ MUNGÚ, Munguú aakooeé' Abrahamu, kudá' hhooeemaawós nee inkihhimuuwose gaa gunqareesiiká dír aakooeene. Án bartaeene AAKOÓ MUNGÚ ina geerahaár ay dír múk aakooeé'.»

IIMU/UUNGW 29:35

Lea iri malé tsít, na/oó garma guri xwayluúr, guri beér Yuda, iwa kat, «Ki/imakae AAKOÓ MUNGÚ u diidi'iís.» Lea iri ala sihhít xwaylaro.

Luka 1:58

Inslaawaywós nee mar'eefoowós kari axaás adór Aako ngira ló'wa gurtláy, sleémeero nee inose tari alqwalalaá/.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.