RUTI 4:13 - Biblía Axweesantá Hhohho' ar Mungú 2004

¹³ Boasi Ruti garir tláy amór do'ós i alé, gari duúx. AAKOÓ MUNGÚ gari tsuúq iri tsít, na/oó garma gway xwayluúr.

RUTI 4:13 Iomraidhean Croise

IIMU/UUNGW 20:17

Abrahamu Mungú guri firín, Mungú Abimeleki nee aamaarós nee sagadiyuuseerós giri hungu/uús as niwa malé laqwaaliya'.

IIMU/UUNGW 25:21

Rebeka a kaampeeri, gawaá adoorihe Isaka AAKOÓ MUNGÚ guna firiirín. AAKOÓ MUNGÚ firoorós gari ya/án, Rebeka iri tsít.

IIMU/UUNGW 29:31

AAKOÓ MUNGÚ ngiwa ár Lea kawa slaiiká, gari na/ií haniís, ala Raheli na/ii gaa sleeriiká.

IIMU/UUNGW 30:2

Yakobo Raheli gari i buúhh, gari báy, «Aníng Mungú ina kitaangós wa qaási? Aníng a heé xwaylarók gaa ilaá/i?»

IIMU/UUNGW 33:5

Iri malé qaytsiít, naxés /ameena nee na/ii giri ár, iri ilawaáts, guri yaahaás, «Mukwí nee kuúng ti koomá' a ín heemá?» Inós iri oó', «A na/iidá' Mungú naa haniís dír sagadiyusmoowók ar qeemuuwós.»

WARA'AMI 113:9

/Ameenír kampeeri do'ose ga ilaiwa/amér ar áy, gari qwal/amaayér i haniis ar na/ii ngiwa laqwal. AAKOÓ MUNGÚ xirfayeemisaak!

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

RUTI 3:11

Dasir'eé', kiíng ma da'ayuutaar! Asma aníng tisíng sleémeero kiíng ta sla', ngi tleéhh. Asma múk ayaawí sleémeero kiíng i xuu' adór tar /ameenír hhoo'.

RUTI 4:12

AAKOÓ MUNGÚ do'ók ngu uráy i haniisi, na/aá Mungú ni dír kuúng nee /ameenirí haniisi, i adór na/aá doó Perisi tleehhitiye', kudá' Tamari aa Yuda i laqwál.»

1 SAMUELI 1:27

Una firiím as na/aywí nguwa aníngí haniisi. AAKOÓ MUNGÚ firor'eé' gana axaás, nguri haniís.

1 SAMUELI 2:5

Mukdá' aáng muruú /aymár koóm aa lawaali'iít, as gár /ayma kawa slay, ala kudá' aáng qwariít hamí i aax, /ameenidár kampeeri na/aá faanqw gaa xwayluúr, ala inósadá' na/aá yaariir gi koom ina mét ar pakáy.