RUTI 3:7 - Biblía Axweesantá Hhohho' ar Mungú 2004

⁷ Boasi /ayma nee wahaango iwa hhe'eés, muunaáwós iri qwalaá/, iri qatuú áy dír bihhaá ufuú angaánoó shayiíri kudá' taa haritleemiís. Ruti iri tseegís ay didá' Boasi i qaát, inqwaari gay waatlés, inós iri qát dír ya'aawós i alé.

RUTI 3:7 Iomraidhean Croise

IIMU/UUNGW 43:34

Muruú /aymaadá' gawaá meésár Yosefu i dirií', Yosefu guri amor'ín i qasmiís, muruú /aymár Benyamini kuna tlahhás sagaáwa kooán wa ale ta oo múk hatlae. Tari wahán, tay dinkwár wa qwalaalaá/.

2 SAMUELI 13:28

Absalomu sagadiyuuserós gari báy, «Xumamisé' bar Amnoni difaái ngaa wáh, afa gway sláy, án bar aga oó', ‹Amnoni slahhaak,› daqaní ku gasá'. Adoorí an adór aníng naa oó' dirhúngí ale. Pihhé' ar muunuú migi.»

1 WAAWITÁ 21:7

Yesebeli guri beér, «Waawutmoó Israeli a heemá? Ahaá a kuúngeéke? Qwaláng, tlawáng, /ayiím, qwalalaá/ sleeme. Aníngár kilá' qaymór sabiíbu ar Naboti, yaamuloousmoó Yesre'eli, ngi haniís.»

ESTA 1:10

Bál faanqwe waawutmo muunaáwós iwa qwalaá/ as difaái ngiwa xuúf, mukdá' faanqw taa karmuumúy, kudá' gu sagadiyumamiís, guri ateét. Mukwí an ín Mehumani nee Bista nee Harbona nee Bigta nee Abagta nee Setari nee Karkasi.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

DAHARUSMO 10:19

Muruú /ayma kun qamín as qwala/ nee difaái muu gun qwal/atimís nee peésa muruuwí sleémeero ngun slasleér.

DAHARUSMO 2:24

Gár dír heewo hhoo' ar gu gaa wa buu' i káhh aqo har /ayma nee wahaangw nee gadiyeérós ngiwa saqwalalaa/i. Aníng aga tsaáhh tí sleeme amór i dahh a amór Mungú.

DAHARUSMO 8:15

Aníng qwala/ una xirfayeés, asma hee gár gu qwal/aas i káhh baraá daanduú yaamuwo, aqo har /ayma nee wahaangw nee qaseengw. Tí kilós an gár hee i aleeslay tleehhamooro baraá gadiyeeduwose baraá slafingwí Mungú aa dirósí haniisi baraakaá yaamuwo.

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

HAR'OHUUSE 16:25

Muner'ín iwa ló'wa qwalá/ tana oó', «Samson ateetare' baraá doó tseegamooro, neetoorós a araán, i neeti áx u araán.» Naagáy Samson kuri ateetár áy baraá doó tseegamo iri geeraaín wa neét. Inooín nguna sihhtisiyé' dír tla/eeraá uheemaá tsár.

HAR'OHUUSE 19:22

Qoomár tawa qwalaala/i, múk gixsadá' oo barawaslén doó heedaádá' nguna harweeriyé' bihhe sleémeero, nay ateetiyé' baraá do', tay axweés nee aakoó do' loó', kway báy, «Heedaádá' naa do'ógií qatuú ay, tsee/í duuxang as kahhó' nee atén tawa fuquusaan.»

HAR'OHUUSE 19:6

Inooín tsaraawo tay /ayín, tay wahán dinkwár wa ale, baabuú /ameenidá' guri báy, «Na'ás, masók tu amohhoó' xweerakaá laarihe tawa deelaan, ma gurboo/awaar.»

HAR'OHUUSE 19:9

Heedaádá' iwa sihhiít as iwa tlay nee /ameenidá' nee sagadiyusmoowós, baabuú /ameenidá' guri báy, «Qaytsiít, looa aa dát, iimi a tsiindo, kuúng diirí i deelang, ma gurboo/awaar, matlaatleero ta tseewa tleér as tawa hardat amór doohúng.»

RUTI 3:6

Naagáy Ruti iri tleér amoodá' angaáno kuwa haritleemisi, nee tidá' sleémeero aayír hhawaatuuwós ngaa beér gari tléhh.

RUTI 3:8

Qoomár xweeraá dakiingo Boasi ina kwisliít iri daarkiít, tiqá' iwa warqay, naxés /ameeni gana ár aa dír ya'aawós i qát.