RUTI 3:3 - Biblía Axweesantá Hhohho' ar Mungú 2004

³ Gimáy, tláw, hamtliím, di/i slikeek, tlabaawók awa hhohho' tsiiteek. Daqaní ta tleér ay didá' iwa haritleemisi. Ala inós kiíng miwa ár ay dír inós /ayma nee wahaango i hhe'eesi.

RUTI 3:3 Iomraidhean Croise

2 SAMUELI 12:20

Naagáy Daudi adoorí ngiwa axaás, iri sihhiít yaamuú wa ale, iri hamtlín, tari sliík di/ito. Tlabaawós giri warqeés, iri tláy baraá Doó AAKOÓ MUNGÚ, guri sluufiís. Kár, nari kií/ amór do', muruú /ayma guri yaahaás, kuri sláy, inós iri /ayín.

2 SAMUELI 14:2

Gawaá adoorihe muu guna ya/aáw amór Tekoár wa ale, as /ameenír sagaloo' kawa leehhi. /Ameenidá' kingiwa huúw, gari báy, «Ti /ameenír tsuunqumiis ilaqas. Inqwaruú tsunqusmo dahaaseek, di/i ma slikaar, ti ilaqas adór /ameenír tsunqumamiis daqtá yaariire, as mukós iwa faák.

ESTA 5:1

Bál tám Esta tsitaywós kuduú waawuti'iima gway tsít, iri sihhít baraá afeenidár guruú doó waawutmo, guruuwós guna amór doó waawutmoó xu'ús. Waawutmo aa iwiít gawaá kitaangós kuduú xirif baraá doó waawutmo, guruuwós gwa amór afkú doó xu'ús.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

DAHARUSMO 9:8

Tlabaawók umuú deélooro masók ki /awak, sagók di/tá slikiingw mingiwa dakuús.

ESEKIELI 16:9

«Naagáy ma'aay ngari leéhh, iri hamaátl ar ma'aay, tseerduuwók niri faakiyé' nee iri sliík di/to.

Matayo 6:17

Ala kuúng bara gwaawiín, sagók slikeek di/ito, nee gitsee/aawók ki hamátl.

RUTI 3:2

Kiíng a xú'úke adór Boasi tar heé tlahhayrén, slám kiíng nee dasuuwós ana algadiyuusé'. Ga/aaweek, laarí tsiindowo inós i angaánoó haritleemiis didár haritleemisuú wa alé.

RUTI 3:4

Nee dír i qatuú ay ka aán. Daqaní kiíng ta tleér amoorós i alé, inqwaarír baraá ya'aawós ka waatlés, kiíng ta qát dír ya'aawós. Nee inósuú kilá' adór kiíng wa hariim tleehhamooro ngi oo'.»