RUTI 3:12 - Biblía Axweesantá Hhohho' ar Mungú 2004

¹² Ar ló', aníng a heé tlahhoó tseéw, kudá' hariím kiíng iwa aali. Ala heeko i deer. Inós an ak heé tseéw baraá tlahhaywo ta aninge.

RUTI 3:12 Iomraidhean Croise

Matayo 7:12

«Gawaá adoorihe umuúqo gaaro ar kuungá' ta sla'a' muu ni kuungií tleehhi, kuungá' adoodá' tleehhaak sleeme dir'ine. Asma hara'ayár Mose nee gooír aaruuse adoorí gan kát.»

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

RUTI 2:20

Naomi iri waa/ó/, harér garmaawós gari beér, «Heesíng ku tsuuqi nee AAKOÓ MUNGÚ kudá' hhooeema gi tlehhiít dír múk slaáf nee dír mukdá' aa qaatl.» Naomi iri kumít axweesanto iwa kat, «Heesíng oo tlahhayrén, slám ku guruú doorén i tseéw. Inós a heé wák oo hariím kiíng iwa aali.»

RUTI 3:11

Dasir'eé', kiíng ma da'ayuutaar! Asma aníng tisíng sleémeero kiíng ta sla', ngi tleéhh. Asma múk ayaawí sleémeero kiíng i xuu' adór tar /ameenír hhoo'.

RUTI 3:13

Kiíng diisíng i qaateek xweeraakae ay matlaatle. Matlo a araán barnaxes inós aa ya/án kiíng iwa aali. Bira ya/án, daqaní ka hhoo'. Ala barnaxes aa ya/aniká, aníng a deer, aníng kiíng i aál. Tí ni kah a tsáp, tam AAKOÓ MUNGUÚDÁ' slaáf i axamiis. Kiíng guú' ay matlaatle.»

RUTI 4:1

Boasi ina tláy amór afkú gixsa, didár kwasleema, iri didí iwiít. Naxés heedaádá' kangós Boasi aa oó' dír Ruti, iri didár waaraáhh. Inós an kuduú guruú doó Elimelekí tseéw. Boasi guri báy, «Xáy gan, qwaláng, diirí iwiitang.» Aluuwo inós nay hardáh, iri didí iwiít.

RUTI 4:4

Aníng kuúng una kaangwí xu'utisár wa slaá'. Kuúng bar tlaxór wa slá', tlaxweegáy dír geeraá bariiseerí aa diirí iwit, as inooín tawa lamabu'uuse. Bar tlaxór wa slá', tlaxweek. Bar tlaxór wa sla'aká, adá diirí wá ooang as án ngiwa xuu'. Daqaní aníng a tlaáxw. Asma heé hatlá' oo hariím i kaahh. Kuúng a heé geera. Bar kuungeeká, daqaní a aníng.» Inós iri oó', «Aníng a tlaáxw.»