RUTI 2:6 - Biblía Axweesantá Hhohho' ar Mungú 2004

⁶ Sageesihhtusmoodá' iri oó', «Inós a dahaayo'o ar xoorór Moabu. A tidá' nee Naomi ti koomá' qoomár Naomi niwa kí/ baraá yaamaá Moabu wa alé.

RUTI 2:6 Iomraidhean Croise

IIMU/UUNGW 15:2

Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

IIMU/UUNGW 24:2

Abrahamu sagadiyusmoowós kudá' úr dír awa hatlá' sleémeerowo, kudá' daqaari'iimarós sleémeero ga sageesihhimiít, guna báy, «Dakók qaaseek gawaá nawdueé'.

IIMU/UUNGW 39:4

Yosefu Potifa guri sla'atisa hhe'eés, Potifa guri heewós oo hhoó' tleéhh, tari sageesihhtusmoó do'ós, nee guri qaás tawa harmagahhatusmoó daqaari'iimarós sleémeero.

Matayo 20:8

«Qoomár looa iwa dát, aakooduú qaymo loó' sageesihhitusmoowós guri báy, ‹Doosluuse ateeteegáy, bu'utuuín haniiseek. Bu'utu ku iimu/uún dír kudá' naa aluú wa hardah, nee daqaní ku alhhe'és dír kudá' naa geerií hardah.›

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

RUTI 1:16

Ala Ruti iri ó', «Kiíng án mi harhheehhe'emisaar iwa geexaw, niri kií/ nee kiíng tiwa koomanaaká. Didá' kiíng ta keera, án nee kiíng ti koomaán. Didá' kiíng tawa hota, án nee kiíng an hootaán. Mukók a muk'eé' sleeme. Munguúwók a Munguúeé' sleeme.

RUTI 1:19

Tari kumiít tsaraawo, tari hardáh Betilehemu. Tawa hardáh Betilehemú i alé, múk baraá gixsadá' sleémeero iri waa/oó/ as inooín. /Ameena iri waa/ó/ iri ó', «Heewí aqo tsuwaá Naómíwo?»

RUTI 1:22

Adoorí an adór Naomi nira kí/ baraá ayaá Moabú wá alé dinkwa nee Ruti, harér garmaawós, dasír xoorór Moabu. Niwa hardihiyé' gixsár Betilehemu a qoomár bu'úngw angaánoó shayiíri iwa iimu/u/un.

RUTI 2:5

Boasi heedá' múk sageesihhimiít guna yaahaás guri báy, «Deenaarí a dasír heemá?»

RUTI 2:7

Inós aníng ina firiín bururú nguwa sleemis alaá mukdá' bu'uúm wa alé. Inós ina sleemís iimír matlaatlér wa alé ay siwirí, aa hungu/uská, aqo har qoomár niinawe ina hungu/ús.»