RUTI 2:20 - Biblía Axweesantá Hhohho' ar Mungú 2004

²⁰ Naomi iri waa/ó/, harér garmaawós gari beér, «Heesíng ku tsuuqi nee AAKOÓ MUNGÚ kudá' hhooeema gi tlehhiít dír múk slaáf nee dír mukdá' aa qaatl.» Naomi iri kumít axweesanto iwa kat, «Heesíng oo tlahhayrén, slám ku guruú doorén i tseéw. Inós a heé wák oo hariím kiíng iwa aali.»

RUTI 2:20 Iomraidhean Croise

2 SAMUELI 2:5

muu guri ya/aáw amór Yabesh-gileadi, as ya/abtoorí kawa ooár ay, kiwa bay, «AAKOÓ MUNGÚ kuungá' nu tsuuqi, asma ilaiwa/amerhúng aga laqaandé' dír Saulo, aakoohúng, as kuwa folé'.

2 SAMUELI 9:1

Baalarka wake Daudi ina yaahaás, «Xáy, heé aa meet i deéro baraá xwaylár Saulowo? Barnaxes i deer geeraawo a slaá, nguwa hhooeemáy tleehh as Yonatan.»

YOBU 19:25

Asma aníng a xuú', ba/amusmooeé' i slaaf, nee adór alhhe'eesaywo ir sihhiít gawaá daanduú yaamu, aníng iri aleekalaa/.

AXWEESANOÓ SAGALOOA 17:17

Mulqumoó ló' deelo sleémeero i sla'aarír kón, tam hhiya' kunguna laqwaál as uwa tu/i baraá slahh'amko.

TLAHHOÓ LAÁWI 25:25

Barnaxes hhiyaawók oo narkutmo hhape gaa weeriís, hhiyaawós oo tseéw i harín ngiwa tu/i.

Filipi 4:10

Aníng aga ló'wa qwalaá/ baraá Aakoowo, asma kuungá' aleesleemu ugwa malé sleeré' daxta, tam aníng iri insleeré' as alee/isaywí ni slaa' naa hanisé', adoodá' aáng ngur hanmaamisa'. Baraá tla/angwihe a kaahaaká án kuungá' ina gunqaresé'. Ala a gár ta koonda' in káhh.

RUTI 2:21

Nee Ruti, dasír xoorór Moabu iri ó', «Eeít, inós aníng ina báy, diirí wa kumiiteek, dír bihhaá sagadiyuuser'eé' ay dír bu'ungw'eé' sleémeero ngway faakiya'.»

RUTI 3:12

Ar ló', aníng a heé tlahhoó tseéw, kudá' hariím kiíng iwa aali. Ala heeko i deer. Inós an ak heé tseéw baraá tlahhaywo ta aninge.

RUTI 4:14

/Ameenár baraá gixsár Betilehemu Naomi gari beér, «AAKOÓ MUNGÚ i xirfuuti! Asma kiíng iga kilók geexayká, iga aaliitmoó i sláy laarí. Umuú na/aywí i iiatleeruy baraá múk Israeliwo.

RUTI 4:4

Aníng kuúng una kaangwí xu'utisár wa slaá'. Kuúng bar tlaxór wa slá', tlaxweegáy dír geeraá bariiseerí aa diirí iwit, as inooín tawa lamabu'uuse. Bar tlaxór wa slá', tlaxweek. Bar tlaxór wa sla'aká, adá diirí wá ooang as án ngiwa xuu'. Daqaní aníng a tlaáxw. Asma heé hatlá' oo hariím i kaahh. Kuúng a heé geera. Bar kuungeeká, daqaní a aníng.» Inós iri oó', «Aníng a tlaáxw.»

RUTI 4:6

Heedaádá' tseéw baraá guruú doó Elimeleki iri oó', «Bar adoosíng aníng a aleeslawaaká. Asma bar aga tlaáxw, aalír na/iieé' aga /aareés. Kuúng tlaxweek, aníng a sla'aaká ngiwa tlaaxw.»