RUTI 2:2 - Biblía Axweesantá Hhohho' ar Mungú 2004

² Looarka wake Ruti Naomi gari beér, «Xáda, xáy, án a tláw baraá qamu, a bururú sleemisuú áw. Aníng a haraxuú' heé ya/aám nguwa slaw niwa aluuwós wa sleemiis.» Naomi iri ó', «Kiíng tláw, dasir'eé'.»

RUTI 2:2 Iomraidhean Croise

IIMU/UUNGW 32:6

Ya/abuuseedá' iri kí/ amór Yakobo, kuri báy, «Ana hardahaán amór hhiyaawók Esau, inós i loohír i dirii' as uwa ilaoohi, nee múk tsiire tsiyáhh ti koná'.»

TLAHHOÓ LAÁWI 19:10

Tam sabiíbu aa meet baraá qaymo mu burumburiimara', tam mamaá sabiíbuuhúng awa na paahhiye' mi sleemisaara'. Mawaak as narkuute nee hoomár dabe kaaharen ar baraá ayaahúng hoot. Aníng an AAKOÓ MUNGÚ, Munguúhúng.

TLAHHOÓ LAÁWI 19:16

Ma baloó kwa'afeeraá maraá múkwár warahhaar tawa mar'eefoowók safolit. Hotaá inslaawmoowók mi baraá tsaxwaá gwa'aarárí dahasaar ar axweesanaywók. Aníng an AAKOÓ MUNGÚ.

TLAHHOÓ LAÁWI 19:9

«Qoomár bar bu'uundá' baraá yaamuhunge ma bu'uumaara' ay afaá qamu, laqaá ma alií ki/aara' tawa bururuú burumburiinda'.

TLAHHOÓ LAÁWI 23:22

«Bar bu'uún baraá qaymooroge, ma baloó bu'uumaar ay alhhe'eesoó qaymoorók, laqaá ma alií ki/aar as buruurú kuwa sleemis, un meér as dahaayér waaraahh nee narkuute. Aníng an AAKOÓ MUNGÚ, Munguúwók.»

RUTI 2:3

Ruti iri tleér baraá qamu, iri alaá múk bu'uúm wá hi'iimít, balángw taa gixáy guna sleemís. Laatí qaymór aa harati'ít a qaymór Boasi, kuduú tlahhoó Elimeleki.

RUTI 2:7

Inós aníng ina firiín bururú nguwa sleemis alaá mukdá' bu'uúm wa alé. Inós ina sleemís iimír matlaatlér wa alé ay siwirí, aa hungu/uská, aqo har qoomár niinawe ina hungu/ús.»

1 SAMUELI 1:18

Inós iri ó', «Sagadiyuso'oorók ya/aám ngi sleer dír ilaawoge.» Naagáy /ameenidá' iri tleér, iri /ayiín ar muunuú /awaák, tam gitsee/awós nay gwa/aatiyé'.