RUTI 2:18 - Biblía Axweesantá Hhohho' ar Mungú 2004

¹⁸ Guri gagát guri húp amór do', bururúdá' aa sleemís guri aayír hhawaatuuwós i laqaán. Muruú /aymaadá' aa meetís iwa áx, guri hanís sleeme.

RUTI 2:18 Iomraidhean Croise

1 Timoteo 5:4

Ala kwaalo'o barnaxes i na/aá koón, laqaá na/aá naangós, na/iiká' gár kiwa hariím a hariímar'ín ngin xuiyá' ar múk dooín nguwa amohhe'eemisiya', nee xwaylitér'ín ngiwa ga/aya'. Asma adoorí Mungú gu sla'atamís.

RUTI 2:14

Qoomár /ayma iwa xeér, Boasi Ruti gari báy, «Qwaláng a /ayiimaán, nee /aarmo taatahheek, daqaní ku tikís baraá slooqomoó naanú.» Naagáy Ruti iri iwít dinkwa nee mukdá' bu'uúm. Boasi pu/oó angaánoó shayiíri guri amoorós i haniís. Inós iri /ayiín iri áx, guri meetís.

RUTI 2:17

Ruti iri kumít bururú sleemisuwo ay tsiindo. Guri sláhh. Gár aa sleér tari afi qoomár eéfár wák laqaá afi qoomár kílo mibaangw ar angaánoó shayiíri.