RUTI 2:16 - Biblía Axweesantá Hhohho' ar Mungú 2004

¹⁶ Slám bahh'alé duxuumaak baraá ufeero, ku gixeerá' as inós nguwa sles, ma siaara'.»

RUTI 2:16 Iomraidhean Croise

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Rumi 12:13

Kuungá' sleeme múk hhohhó' oo Mungú kuduú liitlakuuse alee/iimisaak, nee dahaaye na dahi'imisaak.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

RUTI 2:15

Ruti iri tleér, iwa kumit bururú sleemisuwo, Boasi masoombarós tidá' gari báy, «Mawaagáy bururú ngu sleemis tam baraá tla/ángw ufér balaango. Ma iigahhamiitara'.

RUTI 2:17

Ruti iri kumít bururú sleemisuwo ay tsiindo. Guri sláhh. Gár aa sleér tari afi qoomár eéfár wák laqaá afi qoomár kílo mibaangw ar angaánoó shayiíri.