RUTI 2:12 - Biblía Axweesantá Hhohho' ar Mungú 2004

¹² Gawaá tisíng taa tlehhiti AAKOÓ MUNGÚ bu'utuuwók ngu haniisi. AAKOÓ MUNGÚ, MUNGÚ Israeli bu'utuú yaariír ngu haniisi, kudá' kiíng taa i góp as kiíng iwa xun.»

RUTI 2:12 Iomraidhean Croise

WARA'AMI 17:8

Án de'eemáng adór maamár iltá wa ale, lu/áng baraá mahhtuú hhaampi'iiwók,

WARA'AMI 19:11

Aníng sagadiyusmoowók ti intsaahhatimis nee dabér AAKOÓ MUNGÚ, dabeerós bara iialooeés, qeemuú úr u sláw.

WARA'AMI 36:7

AAKOÓ MUNGÚ, sla'aarirók ar warqawaaká ka ló'wa xiríf, muu in gogoow baraá mahhtuú hhampe'eeriwók i alé.

WARA'AMI 57:1

Án gurtlawáng, Mungú, aníng gurtlawáng! Asma aníng kuúng ugwa i goów, naa goów baraá mahhatuú hhampe'eeriwók, ay dír tlaftá tlaakw i waarahh.

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

WARA'AMI 61:4

An hoót baraá do'ók wa ale ay alhhe'eesay wasle. Ni goów niwa nahhaat baraá guruú hhampe'eeriwók i alé.

WARA'AMI 63:7

Asma kuúng a alee/isay'eé', nee aníng an baraá/ as iwa bihhaawógií ót.

WARA'AMI 91:4

Un tuuntuuk ar hayowós, baraá guruú hhampe'eeriwose dír guwaay an sleér. Inkihhimuuwós an gaamboót nee baqmoó.

AXWEESANOÓ SAGALOOA 11:18

Heé tlaákw baraá tlakweemaawo slaasláwár kumiit ga slayká; Ala heé hotaawós ganaa'á' slaasláwár ló' ga sláy.

AXWEESANOÓ SAGALOOA 23:18

Asma alu ki ur, Nee harahhifoorók sleeme i qwatká.

YEREMIA 31:16

AAKOÓ MUNGÚ i kaahi, «Daxta /aa/e maweek, hhirhheeriiwók fiitseek, asma bu'utu u sleér daanduú gadiyeéroge. Na/iihúng ni watliyá' baraá yaamuudá' saaw awa wakuuserhunge.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Matayo 6:1

«Gimsé', hhooeemaahúng mi dír ilaá múk wa tlehhiitara' as inooín tlehhmi'iihúng ngiwa ariya'. Asma adoosíng bara tlehhé' bu'utuú ta sleera' i kaahh dír Baabuúhúng kuduú gawaá dooriiwo.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

2 Timoteo 1:18

Kuúng a ló'wa xú' adór inós aníng ira sagadiyuumaamiís baraá yaamaá Efesooro. Bál alhhe'eesaywo Aako inós ngu gurtleemií haniisi, gurtleemuudá' amór Aakoó daahh.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

RUTI 1:16

Ala Ruti iri ó', «Kiíng án mi harhheehhe'emisaar iwa geexaw, niri kií/ nee kiíng tiwa koomanaaká. Didá' kiíng ta keera, án nee kiíng ti koomaán. Didá' kiíng tawa hota, án nee kiíng an hootaán. Mukók a muk'eé' sleeme. Munguúwók a Munguúeé' sleeme.

RUTI 2:11

Boasi gari báy, «Aníng kangók ugwa axaás hhooeemaá taa tlehhít dír aayír hhawaatuuwók i alé iimír inós iwa gwaá'. Aga xuú' adór kiíng baabá nee aayí nee yaamuuwók ngira geexeér, niri hotaá eér baraá yaamaá múk taa baloó geerií xu'uká.

RUTI 2:13

Ruti iri ó', «Aáko, kuúng tu ló'wa hhoó' dir'eene. Asma hhooeemaá naa axwés daanduueene aníng iga ló'wa gurkwa/asiyé', tam handá' aníng adór sagadiyuso'oorók ar wák aga awiikahe.»

RUTI 4:15

Garmaawí kiíng i /uuruú /abén i haniisi baraá uraywoge. Inós kiíng i /aymiisi baraá diimaywoge. Asma harér garmaawók, tidá' kiíng i slaa', diroge daaqoó faanqw gu bá/. Inós garmaawí guna xwayluúr.»

1 SAMUELI 24:19

Asma baraá hotaariro hee bar wakusmoowós ngwaa ár, xáy, guqo tawo máya iwa tlay ar amohhooa dír geeraawós wa ale? AAKOÓ MUNGÚ kuúng u hhooeemáy tleehhi, as tí kuúng naa aníng i tléhh laarí.

1 SAMUELI 24:20

Nee hamí qayteek aga tsaáhh adór kuúng tar waawutmoó Israeli, nee baraá dabaawoge waawuti'iimár múk Israeli iri gawduwa hhe'és.