RUTI 2:10 - Biblía Axweesantá Hhohho' ar Mungú 2004

¹⁰ Ruti iri xupú', gitsee/awós giri kwatít ar yaamu. Boasi guri beér, «Adór aníng kuúng ira xú', anír dahaayo'o, tam aníng iri i axwés ar gurhhooa?»

RUTI 2:10 Iomraidhean Croise

IIMU/UUNGW 18:2

Iri qaytsiít, ga/aaweek, múk tám aa sihhiít dír geeraawós. Abrahamu ngiwa ár, iri ta'aaín iimír afkú heémarós wa alé as ngiwa al'ay, iri tumbarara'aát.

2 SAMUELI 19:28

Asma múk doó aakooeé' sleémeero gár niwa hariné' aqo tsu/uta dír geeraawoge, aakooeé' waawutámo. Ala anuú sagadiyusmoowók ina qás dinkwa nee mukdá' /ayiím gawaá meésarók wa ale. Xáy, gan'amuú ni koom i deéro tam oo niiná, tam oo uwa i /aa/amiim, waawutámo?»

2 SAMUELI 7:18

Naagáy waawutmo Daudi iri tláy, iri iwiít geeraá AAKOÓ MUNGÚ, iri firín, iri oó', «Aníng a heemá, xáy Aakoó MUNGÚ, nee múk dooeé' a gár milá tam ay diirí án niwa iia tleerúw laarí.

2 SAMUELI 9:8

Mefibosheti iri tumbarara'aát iri oó', «Aníng a slaqás nee seeoó aa gwaa', asma milá mis adoorír sagedaawimít?»

TLAHHOÓ LAÁWI 19:34

Hoomtuudá' nee kuúng an alhotá', tari adór yaamuloousmo diroge, ku slá' adór kuúng tir kilók sla'. Asma kuúng aáng a hoomtu baraá yaamaá Misriro. Aníng an AAKOÓ MUNGÚ, Munguúwók.

Matayo 25:35

Asma qoomár án niwa qwariit, kuungá' ina /aymisé'. Qoomár án niwa waxiit, ina wahasé'. Qoomár án tawa dahaaymo, ina dahi'isé'.

Luka 1:43

Adoorí adór ira tleehharút laarí tam aayír Aakooeé' niwa amor'eé' keér?

Luka 1:48

asma lawaalo'oorós ar liitlaakw gaa gurtláy. Ga/aaweek, iimír hamihe qari sleémeero án i beer tidá' tsuuqa gaa sleer,

Rumi 12:10

Kuungá' ti kiloohúng ló'wa sla'aaslae' ar sla'aarír hhae, nee ti kiloohúng gan'aamise ar ilaiwa/ame.

RUTI 2:11

Boasi gari báy, «Aníng kangók ugwa axaás hhooeemaá taa tlehhít dír aayír hhawaatuuwók i alé iimír inós iwa gwaá'. Aga xuú' adór kiíng baabá nee aayí nee yaamuuwók ngira geexeér, niri hotaá eér baraá yaamaá múk taa baloó geerií xu'uká.

RUTI 2:13

Ruti iri ó', «Aáko, kuúng tu ló'wa hhoó' dir'eene. Asma hhooeemaá naa axwés daanduueene aníng iga ló'wa gurkwa/asiyé', tam handá' aníng adór sagadiyuso'oorók ar wák aga awiikahe.»

RUTI 2:19

Naomi gari yaahás, «Dír laarí bururúwí nguwa sleemís a baraá qaymór heemá? Heesíng kiíng iga xuu' ku tsuuqi.» Inós aayír hhawaatuuwós gari beér, «Laarí dír niwa gadiyuús a baraá qaymór heé ta babay Boasi.»

RUTI 2:2

Looarka wake Ruti Naomi gari beér, «Xáda, xáy, án a tláw baraá qamu, a bururú sleemisuú áw. Aníng a haraxuú' heé ya/aám nguwa slaw niwa aluuwós wa sleemiis.» Naomi iri ó', «Kiíng tláw, dasir'eé'.»

RUTI 2:9

Inooín na ga/aaweek as dír tawa bu'un kawa aan, nee inooín ti koomakoonde'. Masoombarí aga hara'ayiím kiíng miwa daawitisiyé'. Barnaxes aga waxít, tláw, ma'aydá' masoombarí aa hhék ki wát.»

1 SAMUELI 25:23

Abigaili, Daudi nguwa hhoó aán, ina gaanslár awét gawaá daanduú daqwaywose, ina xupú' dír geeraá Daudi, giti gari yaamúr ót.