RUTI 1:21 - Biblía Axweesantá Hhohho' ar Mungú 2004

²¹ Qoomár aníng niwa tláw, umuú gaaro a koóm. Ala AAKOÓ MUNGÚ aníng iga ki/ís ar gaa wasl. Waáy, mihar Naomír ateetiindá'? Asma AAKOÓ MUNGÚ Aleesleemusmoó mura' sleémeero aníng iga amotlakweér i haniís nee iri slahh'eés.»

RUTI 1:21 Iomraidhean Croise

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 10:17

Umuú qoomaaro lamabu'úngw daanduueé' u koón, kuúng an ló'wa buhhaabúhh as aníng. Qooma sleémeero slawo ngin tleemís.

YOBU 13:26

Kuúng sakwasleemár xaraasl ngaa daanduueéní tsa/ás, nee tlakweemaaeé' awa iimír masoombi'iima ngaa gawaaeé' tsa/ás.

YOBU 16:8

Inós aníng iga nuuqúy, adoorí an adór ira aleesláy. Ham daxta slaqwte'eé' aa kaangaa/út, nee inós aníng in lamabu'ún.

YOBU 30:11

Asma Mungú aníng ina daqatlakweés iri niinaweés, inooín daxta i hhasliitiaaká, gár i slaiya' ngin tleehhiyá' dir'eene.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

RUTI 1:13

xáy geera kuungá' i daandá'a ay dír nay uraraya'? Ti ila/á'a hhawaate kiwa sleera'aaká? Aasla'áy, dasuueé', AAKOÓ MUNGÚ aníng iga muruú gawdén i haniís, tam aníng daanduuhunge iga gurhaamír i huúw ló'wa alé.»