RUTI 1:17 - Biblía Axweesantá Hhohho' ar Mungú 2004

¹⁷ Didá' kiíng ti gwa', aníng sleeme an didí gwaá'. Didá' kiíng ti fooli, aníng sleeme tin didí fool. AAKOÓ MUNGÚ aníng i slahh'amaayér úrí haniisi barnaxes gár hatlá' ar án nee kiíng ti paraatl aga ya/aám, bar har gwa'araarooká.»

RUTI 1:17 Iomraidhean Croise

2 SAMUELI 15:21

Ala Itai waawutmo guri mu/aywaáts, «Adór AAKOÓ MUNGÚ ir hotaatina, nee kuúng tar daadeér, umuú dír taqo keera, barnaxes a baraá gwa'ara, laqaá baraá slafiingw, anuú sagadiyusmoowók aqo deer.»

2 SAMUELI 19:13

Amasa sleeme yaahasaak barnaxes inós a tseerer'eeneeká. Slám Mungú aníng i gaasi, barnaxes inós ugwa geeraharusmoó úr oo múk slaqwaruusereé' wa qaasiiká laarí kitángw Yoabu wa ale.»

2 SAMUELI 3:35

Aluuwo muu sleémeero tari amór Daudi káy, as kuwa harakeesi mikaáte ngiwa /ayi qoomár iimi ir tlaatla/angwí kahh. Ala Daudi lo'o gari /aáy, iri oó', «Mungú aníng i gaasi bar mukaatmo ugwa tsaáq laqaá tam gár hatlá' ay dír looa i dat.»

2 SAMUELI 3:9

Mungú aníng miwa gáwtí geexáy bar tidá' sleémeero aa dír Daudi bara boo/eesiiká,

1 WAAWITÁ 13:31

Alaá heeduú Mungú foolaro kuwa hhe'eés, aarusmoodá' daaqaywós guri báy, «Aníng bara gwaá', foolaré' baraá /aantaarír kilá' heé Mungú kway foolaán, faduueé' bihhaá faduuwós ti qase'.

1 WAAWITÁ 19:2

Naagáy Yesebeli harér Ahabu afo gari ya/áb amór Eliya, guri beér, «Mungui aníng i gaasiye' barnaxes slafiingók bura qo adór kuduú aaruuse tleehhiiká matlo siiwár adór tihe.»

1 WAAWITÁ 2:23

Hamtidár kilae waawutmo Solomon lo'o gari /aáy ar umuú AAKOÓ MUNGÚ, iri oó', «Mungú án i adoorí tleehhi nee ar tí ba/a barnaxes /aymuuwí slafíngw Adonia gwa hingeesiiká.

1 WAAWITÁ 20:10

Ben-hadadi afo gari ya/aáw amór Ahabu iwa kaahi, «Mungui aníng i gaasiye' nee ar hatlá' ngi doogiye' gawaaeé' ale, barnaxés hhapér yaamaá Samaria taataahha ngaa bú' dír slaqwaruuser'eene.»

2 WAAWITÁ 6:31

Inós iri oó', «Aníng tam Mungú i gaasi nee ar tí ba/a ngi án i tleehhi, Elisha garmoó Shafati buraqo isa tsatiiká laarí.»

WARA'AMI 45:10

Dási, axaás, qaytsiít, iiarók qaaseek, mukók gunqaareeseek nee doó baabuúwók sleeme,

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

RUTI 1:16

Ala Ruti iri ó', «Kiíng án mi harhheehhe'emisaar iwa geexaw, niri kií/ nee kiíng tiwa koomanaaká. Didá' kiíng ta keera, án nee kiíng ti koomaán. Didá' kiíng tawa hota, án nee kiíng an hootaán. Mukók a muk'eé' sleeme. Munguúwók a Munguúeé' sleeme.

RUTI 4:15

Garmaawí kiíng i /uuruú /abén i haniisi baraá uraywoge. Inós kiíng i /aymiisi baraá diimaywoge. Asma harér garmaawók, tidá' kiíng i slaa', diroge daaqoó faanqw gu bá/. Inós garmaawí guna xwayluúr.»

1 SAMUELI 14:44

Saulo iri oó', «Mungú adoorí ngi aníngí tleehhi, tam ar tí ba/a. Yonatán, kuúng aqo tsuwa gaasa.»

1 SAMUELI 20:13

AAKOÓ MUNGÚ aníng i gaasi, bar qo Saulo aa tsabín kuúng uwa gaasi, aníng kuúng uri gurbuiiká, as tawa gop amór saaw, kahhó' slafiingók kuwa ba/amis. AAKOÓ MUNGÚ nee kuúng ta dinkwa adoodá' tar dinkwa nee baabuúeé'.

1 SAMUELI 25:22

Matlaatlér matlo hhawaataá do'ós sleémeero bira qoo tsu/aa/imiiká, Mungú aníng i gaasi.»

1 SAMUELI 3:17

Guri yaahaás, «Mungú /aymuú naa kuúngí oó' a milá? Mu duquumaar, gám tidá' sleémeero naa dirógí oó' bara qo tsuwa duquún, Mungú adoosíng ngi kuúngí tleehhi, nee ngi harwaarahhaasi.»